Bu gün Şəki ərazisində yanğın hadisəsi qeydə alınıb
Hadisə Şəkinin 16-cı rayon Arxustu küçəsində baş verib. İlkin olaraq yanğın ərazidə yerləşən zibillikdən qaynaqlanıb.
Milli.Az Kanal S-ə istinadən xəbər verir ki, daha sonra alov genişlənərək ərazidə olan kol-kos və ağacları öz cənginə alıb. Hadisə yerinə Şəki Dövlət Yanğından Mühafizə hissəsinin iki yanğınsöndürən avtomobili və canlı qüvvəsi cəlb olunub. Yanğının söndürülməsi üçün ərazidə yaşayan sakinlərdə yanğınsöndürənlərə köməklik edib.
Alovun qarşısını 1 saat ərzində almaq mümkün olub. Yanğınsöndürənlərin səyi nəticəsində alovun yaxınlıqdakı evlərə keçməsinin qarşısı alınıb. Yanğından mühafizə hissəsindən verilən məlumatlara görə, dağətəyi ərazidə 250 kvadratmetr ərazi yanıb. İlkin ehtimallara görə yanğının baş verməsinə səbəb yanxınlıqda yaşayanların zibilliyi yandırması olub. Faktla əlaqədar araşdırmalar aparılır.