Qafqaz Müsəlmanları İdarəsinin sədri şeyxülislam Hacı Allahşükür Paşazadə Rusiya prezidenti Vladimir Putinə məktub ünvanlayıb
Şeyx məktubda Rusiya prezidentini Azərbaycan, Qafqaz müsəlmanları və şəxsən öz adından Rusiyanın dövlət bayramı, Konstitusiya günü və Rusiya Federasiyasının əsas Qanununun qəbulunun 20 illiyi münasibəti ilə səmimi qəlbdən təbrik edib.
A.Paşzadə məktubunda vurğulayıb ki, Qafqaz müsəlmanları dualar edirlər ki, hələ Rusiyanın taleyi, onun inkişaf yollarının seçimi uzun illər həqiqi lider, görkəmli şəxsiyyət, insanların etmadını və dəstəyini qazanmış XXI əsr Rusiya prezidenti Vladimir Vladimiroviç Putinə həvalə edilsin.
"Arzu edirəm ki, Rusiya və Azərbaycan möhtərəm Vladimir Vladimiroviçin və İlham Heydər oğlunun səyləri ilə qarşılıqlı hörmət nümunəsi olan mehriban qonşuluq, strateji əməkdaşlıq münasibətlərini bundan sonra da inkişaf etdirsinlər", - deyə QMİ sədri məktubunda bildirib.(salamnews)