Şirvanda məmur özbaşınalığı

Şirvan şəhəri Xanlar küçəsi döngə 2, ev 5 də yaşayan Vəliyev Vəli Vəkil oğlu tərəfindən Prezident Adminstrasiyasına və Nazirlər Kabinetinin rəhbərliyinə şikayət ünvanlanıb

PİA.AZ bildirir ki, mia.az-a daxil olan şikayət məktubunun surətində deyilir ki, Rayon Su idarəsi müxtəlif yollarla camaatdan su pulu alsa da, su üzünə həsrətdilər:

«Bu yaxınlarda mənim özümə də suvarma aparmaya-aparmaya 200 manata yaxın borc barədə bildiriş gəlib və elə həmin gündə su xəttimi tam kəsiblər. Bu barədə mən Rayon Su İdarəsinə muraciət etsəm də, heç kəs mənə nə borcun yaranma tarixi, nə də onun hardan bu qədər olması barədə bilgi vermir. Hamısı elə bir söz bilir: "bizlik deyil, yuxaridan əmrdir”.

Əgər mənim həqiqətən borcum yıgılırdısa, niyə görə il uzunu qapı-qapı gəzən su idarəsinin işçiləri bu vaxta qədər borcun bu qədər şişməsinə imkan veriblər?! Ya onlar işlərində məhsuliyyətli deyillər, ya da bütün yayı gəlməyən suyun pulunu yıgmaqla, onlar korrupsiya ilə məşğul olurlar.

Hörmətli cənablar! Mən dindar və pensiyacı adamam. Sizdən xahiş edirəm, bu ahıl yaşımda hüquqlarımın qorunması ücün mənə yardımcı olasınız. Sizdən xahiş edirəm, Rayon Su idarəsində baş verən bu özbaşnalıgın qarşısına alıb, məni məhkəmələrə muraciət etməyə vadar etməyəsiniz».

Şikayətlə bağlı qarşı tərəfi də dinləməyə hazırıq.