Jurnalistlər Ekstremal Şəraitdə” İctimai Birliyinin “Müxtəlif dini qrupların cəmiyyətə inteqrasiyasinda mövcud olan problemlərin aradan qaldırılmasına həsr olunmuş tədbirlərin təşkili” adlı layihəsi başa çatıb
"QHT-lərə Dövlət Dəstəyi Şurasının dəstəyi ilə altı aydır davam edən layihənin yekunları ilə bağlı jurnalistlərə məlumat verilib. Birlik sədri Firuzə Əsədullayevanın verdiyi məlumata görə, ötən müddət ərzində Bakı, Masallı və Balakəndə dəyirmi masalar keçirilib. Eləcə də, layihə çərçivəsində Qafqaz və Xəzər universitetlərində, Məşədi Dadaş, Cümə, Nardaran, Əbubəkr məscidlərində din xadimləri ilə maraqlı söhbətlər aparılıb. Ilk dəfə məscid daxilində Sumqayit internet tv-sinin dəstəyi ilə verilişlər hazırlanıb. Din xadimləri ilə aparılan söhbətlərdən məlum olub ki, ölkədə din haqqında səhv təsəvvürlər çoxluq təşkil edir. Bu da dini maarifləndirmənin az olmasından irəli gəlir.”
Layihə koordinatoru Tofiq Türkel isə qeyd edib ki, dini cərəyanların xüsusən gənclərə təsiri böyük olduğundan baş verən neqativ hallar da göz qabağındadır. “Valideynlər övladlarını məscidə göndərəndə rahatlıq tapırlar, amma çox halda övladları yalnış insanların təsiri altına düşürlər. Bu səbəbdən din xadimləri doğru dini ədəbiyyatların yayılması və təhsil müəsisələrində dinin də tədrisinin lazımlı olduğunu təklif edirlər. Söhbətlərdən çıxan yekun rəyə görə, 2011-2013-cü illə müqayisədə son iki ildə dini radikal cərəyanlara qoşulanlarımızın sayı azalıb. Az da olsa maarifləndirmə bəhrəsini verir. Bizim layihənin nəticələri ilə bağlı QHT-lərə Dövlət dəstəyi Şurasına hesabat təqdim edəcəyik. Hesabatda təklif və rəylər daha aydın qeyd olunub.”
pia.az