Ağamirzə Əhədovun nazirlə həmin görüşündən sonra onun nəvəsi vəzifəyə təyinat alıb
Sumqayıtın ünlü oliqarxlarından biri, «Karvan İstehsalat Kommersiya Şirkəti» Məhdud Məsuliyyətli Cəmiyyətinin sədri Ağamirzə Əhədovla əmək və əhalinin sosial müdafiəsi naziri Səlim Müslümov arasında baş tutmuş sövdələşmənin detalları ilə başlı şok informasiyalar əldə etmişik.
Etibarlı mənbədən daxil olan məlumatda bildirilir ki, Səlim Müslümov nazir təyin olunana qədər Ağamirzə Əhədovun Sumqayıt Əmək Müfəttişliyi ilə çox ciddi problemləri olub. Belə ki, sabiq nazir Füzuli Ələkbərovun zamanında 7 saylı Sumqayıt-Xızı regionu üzrə Dövlət Əmək Müfəttişliyinin sədri olan Şəfa müəllim Ağamirzə Əhədovun obyekti olan “Karvan” Ticarət Mərkəzində ciddi qanun pozuntuları aşkarlayıb. Belə ki, yoxlamalar zamanı işçilərlə əmək müqaviləsinin bağlanmaması, həmçinin sosial sığortaların yoxluğu aşkarlanıb. Ağamirzə Əhədovun bütün cəhdlərinə baxmayaraq o Şəfa müəllimlə heç cür dil tapa bilməyib. Amma elə bu ərəfədə Füzuli Ələkbərovun vəzifədən çıxarılması, yerinə isə Səlim Müslümovun təyin olunması Ağamirzə əhədov qarşısında yeni perspektivlər açıb.
PİA.AZ xəbər verir ki, nazirlikdəki etibarlı mənbədən SAVASH.ORG-a sızan məlumata görə, Səlim Müslümovun nazir təyin olunmasından bir qədər sonra Ağamirzə Əhədov onu təbrik etmək üçün yanına getmək niyyətinə düşüb. Nazirlə görüçə əlində iri bir qara çanta ilə gedən Ağamirzə Əhədov məhz bu görüşdən sonra illərdir ki, onu narahat edən problemin həllinə də nail olur. Belə ki, “Karvan” Ticarət Mərkəzində qanunsuzluqlar aşkarlamış və heç cür ipə-sapa yatmayan Şəfa müəllim vəzifəsindən uzaqlaşdırılır. Əvəzində isə həmin posta sumqayıtlı oliqarx Ağamirzə Əhədovun nəvəsi Əhədov Aqşin Kamil oğlu təyinat alır.
Nəvəsini 7 saylı region üzrə DƏM-ə sədr təyin etdirməyi bacaran Ağamirzə Əhədov isə indi “Karvan”ı istədiyi kimi idarə edir. Hazırda burada heç kimlə əmək müqaviləsi bağlanmır və Ağamirzə Əhədov sahibkar kimi öhdəsinə düşən öhdəliklərin yerinə yetirilməsindən imtina edir.
Qarşı tərəfin də mövqeyini dinləməyə hazırıq.
Digərxəbərlər
Populyar xəbərlər
