Son illər ölkəni terrorçuların sığınacağı halına gətirdiyini unudan Suriya hökuməti Türkiyədən BMT-yə şikayət edib
Teleqraf.com xarici mediaya istinadən xəbər verir ki, Bəşər Əsədin rəhbərlik etdiyi hökumət BMT baş katibi Pan Gi Muna və BMT Təhlükəsizlik Şurasına məktub göndərib:
“Türkiyənin Suriya torpaqlarında həyata keçirdiyi qətliam və qanun pozuntuları insanlığa qarşı cinayətdir". Məktubda Türkiyənin bu addımının qınanılması tələb edilib.
BMT-nin yaydığı məlumata görə, Suriyada daxili müharibə zamanı 81 min insan həyatını itirib, 283 min insan yaralanıb. Ölənlərdən 10040 nəfəri azyaşlı, 9106 nəfəri qadın olub.
pia.az