Mohammed Alloush Suriya hökumətini xalqa qarşı "təcavüzü davam etdirməkdə" ittiham edib
Suriyanın əsas müxalif qrupunun nümayəndə heyətinin başçısı, Mohammed Alloush, sülh danışıqlarını uğursuz adlandıraraq istefa verib.
Yüksək Danışıqlar Komitəsindən olan cənab Alloush deyib ki, danışıqlar hər hansı siyasi sövdələşmə və ya mühasirədə olan ərazilərdə yaşayan suriyalıların vəziyyətinə yüngüllük gətirməyib.
Komitə, BMT vasitəçiləri və Suriya höküməti ilə "yaxın" danışıqlarda iştirakını aprel ayında, Cenevrədə dayandırıb.
Danışıqların bərpa tarixi haqqında məlumat verilmir.
"Rejimin inadı və Suriya xalqını bombalamağa və təcavüzü davam etdirməsi səbəbindən üç dəfə keçirilən danışıqlar uğursuz olub", cənab Alloush deyib.
Növbəti istefa
Yüksək Danışıqlar Komitəsi aylardır ki, Cenevrə danışıqlarının inkişafından məyusluğunu ifadə edib.
Onların hiddətlənməsinə səbəb, mühasirədə olan ərazilərə humanitar yardımın çatdırılmaması, siyasi məhbusların azadlığa buraxılması prosesinin ləng getməsi və Suriyada Bəşər əl-Əsədsiz siyasi hakimiyyətə keçidin aparılmamasıdır.
ABŞ və Rusiyanın vasitəçiliyi ilə qiyamçılar və hökumət qüvvələri arasında əldə olunan ümummilli barışıq hələ də qüvvədə olsa da mütəmadi pozulur.
Cənab Alloush-un istefası növbəti tərk etmələrə səbəb ola bilər.
Məlumat verilir ki, komitənin daha bir üzvü istefa verə biləcəyi barədə siqnal verib.
5 il bundan əvvəl Bəşər əl-Əsədə qarşı üsyanla başlayan vətəndaş müharibəsi nəticəsində 250 mindən çox suriyalı öldürülüb və 11 milyona yaxın insan evindən didərgin salınıb.(musavat.com)
pia.az