Taleh Bağırovun məhkəməsi təxirə salınıb
Bu haqda Modern.az saytına onun hüquqlarını müdafiə edən Cavad Cavadov məlumat verib.
O qeyd edib ki, əvvəlcə məhkəmənin vaxtı dəyişdirilib, sonra təxirə salınıb:
“Taleh Bağırovla bağlı verdiyim məhkəmə nəzarəti qaydasında şikayət üzrə bu gün Nəsimi rayon Məhkəməsinə qərarın elan olunması saat 16-00 təyin edilmişdi, lakin məhkəmə bir saat əvvələ keçirildi.
Həmin saatda sədrlik edən hakim Babək Pənahov bildirdi ki, sorğulara cavab verilmədiyindən bu iş üzrə obyektiv qərar qəbul etmək mümkün deyil. Bu səbəbdən işi 19.02.2016-cı il tarixə saat 15-00 təxirə saldı”.
C.Cavadov müdafiə tərəfi olaraq qeyd edib ki, tutulan şəxsin işgəncəyə məruz qalmasına dair qaldırılan məsələ təxirə salınmadan, işgəncə izlərinin itməməsi üçün təcili araşdırılmalı, məhkəmə tibb ekspertizası təyin edilməlidir: “Lakin bunlar edilməyib və belə vəziyyətdə ədalətli məhkəmə araşdırılmasından artıq söz gedə bilməz”.
pia.az