Uzun müddətdir heç bir açıqlama verməyən türkiyəli müğənni Tarkan susqunluğunu pozub
Türkiyə telekanallarından birinə müsahibə verən məşhur pop-ulduz evliliyi və həyat yoldaşı Pınar Diləyin hamilə olması ilə bağlı yayılan söz-söhbətə də toxunub. Tarkan reportaja çox xoşbəxt bir şəkildə barmağındakı üzüyü göstərərək başlayıb.
PİA.AZ lent.az-a istinadən Tarkanın müsahibəsini təqdim edir:
- Meqastar evləndi, hər kəs şok oldu.
- Niyə? Mənim evlənməyə, xoşbəxtliyə, xoşbəxt olmağa haqqım yox idimi?
- Bal ayı düşünürsünüzmü?
- Yox, hazırda albom üzərində çalışıram. Bu layihəm bitənədək hələ buradayam. “Əhdə vəfa” albomuna olan marağa görə bütün dinləyicilərə təşəkkür edirəm. Müsbət şərh yazan jurnalistlərə, sənətçi dostlara və hətta tənqid edənlərə də çox təşəkkür edirəm. Mənim üçün hər cür maraq gözəldir.
- Uşaq haqqında düşünürsünüzmü?
- Çox yaxında düşünmürük. Bu barədə olan dedi-qodular həqiqətən dedi-qodudur. “Hamilə olduğu üçün evləndilər”, - deyirlər. Elə şeylər doğru deyil.
- Qız, yoxsa oğlan uşağı istəyirsiniz?
- Şablon söz olsa da, mən təkrar edəcəm, sağlam olsun, bu, kifayətdir. Amma əlbəttə ki, ata olmaq istəyirəm.
pia.az