Həştərxan şəhər Sovetski rayon məhkəməsi Moskvadan Qəbələyə uçan "A-320" sərnişin təyyarəsində xuliqanlıq edən şəxs barədə 10 sutka həbs qərarı çıxarıb
PİA.az-ın yerli telekanala istinadən verdiyi məlumata görə, 1963-cü il təvəllüdlü, milliyətcə azərbaycanlı olan bu şəxs bundan sonra Ural Hava Yollarından istifadə edə bilməyəcək. O, arzulanmaz şəxs elan edilib.
Xatırladaq ki, Moskvadan Qəbələyə uçan "A-320" sərnişin təyyarəsi Həştərxan aeroportuna enməli olub. Buna səbəb sərnişinlərdən birinin "qeyri-adekvat davranışı"dır.
Məlumata görə, içkili vəziyyətdə olan kişi sərnişin stüardessaların işinə maneçilik törədib, onlara qarşı kobudluq edib, uçuş zamanı gözlənilməli olan davranış qaydalarına riayət etmək tələblərini rədd edib.
Həştərxan aeroportundakı məcburi enişdən sonra polis əməkdaşları onu təyyarədən düşürüb. O, polis tərəfindən saxlanıb.
Digərxəbərlər
Populyar xəbərlər
