Sentyabrın 27-də Müsavat Partiyasının VIII qurultayı keçiriləcək
Artıq bu gündən etibarən seçkili orqanlara namizədlərin irəli sürülməsi prosesinə start verilib.
Aylar öncəsindən başqanlığa namizədliyini verəcəyini bəyan edən Müsavatın Divan üzvü Tural Abbaslı bu gün rəsmən başqanlığa namizəd olub.
Bu barədə musavat.com-un suallarını cavablandıran başqanlığa namizəd bunları deyib: “Mən əvvəldən namizədliyimi verəcəyimi bildirmişdim. Fikrimdə arxayın olduğum üçün bu vaxtı uzatmağa ehtiyac görmədim. Başqanlığa ilk namizəd oldum. Bu ilk növbədə gəncliyin operativ, hədəflərində qətiyyətli, atdığı addımlarda əmin olmasından irəli gəlir. Tez namizəd olmağım bundan irəli gəlir. Fikirlərimdə qətiyyətliyik. Sona qədər başqanlıq uğrunda mübarizəmi aparacağam. Qalib, yaxud məğlub olmağımdan asılı olmayaraq, başqanlığa namizəd kimi qurultayda iştirak edəcəyəm. Qələbə inamım olmasa, namizəd olmazdım. Şanslarımı yüksək qiymətləndirirəm. Başqanlığa namizəd olacaq hər kəsə uğurlar arzulayıram. İnşallah sağlam, Müsavatın adına layiq seçki olar”.
Digərxəbərlər
Populyar xəbərlər
