Türkiyə-Rusiyanın barışığı üçün 9 maddəlik yol xəritəsi

Məlum olduğu kimi, Türkiyə hökuməti Rusiya ilə münasibətləri normallaşdırmaq və iki ölkə arasındakı münasibətləri təyyarə vurulmadan öncəki vəziyyətə gətirmək üçün 9 maddəlik "yol xəritəsi” hazırlayıb

"Yol xəritəsi"ylə bağlı fikirini açıqlayan ekspert Elxan Şahinoğlu həmin 9 maddəni nəzərdən keçirdiyini deyib:

"Kremlin ağlı və məntiqi olsa, Ankaranın təklif etdiyi "yol xəritəsini” qəbul edər.

Söhbət yalnız təyyarənin vurulmasına görə üzr istənilməsindən getmir. Ankara "yol xəritəsi” ilə bağlı birbaşa Moskva ilə təmasa keçmək istəyir, hansısa üçüncü dövlətin vasitəçiliyinə ehtiyac duymur. Çünki Ankarada düşünürlər ki, vasitəçinin köməyi ilə Kremllə aparılan dialoq məsələni uzada bilər".

Ekspert deyir ki, Ankaranın məqsədi "yol xəritəsi” əsasında ilin sonuna qədər Rusiya ilə münasibətləri tam nizamlamaqdır:

"Bu ayın sonunda Türkiyə İsraillə münasibətləri normallaşdıracaq sənədə imza atacaq. Həmin sənəd də xeyli müddətdir tərəflərin üzərində işlədiyi "yol xəritəsinə” əsaslanır. "Yol xəritələr"inin üstünlüyü ondadır ki, tək bir problemin həllini ehtiva etmir, məsələyə geniş baxır və strateji əməkdaşlığa yön verir".(mia.az)

pia.az