Nurçuların Birləşmiş Ştatlarda yaşayan və rəsmi Ankaranın son dövlət çevrilişinə cəhdin təşkilatçılığında ittiham etdiyi lideri Fəthullah Gülənin və tərəfdarlarının məhkəməsi başlayacaq
Virtualaz.org bildirir ki, məlumatı “Anadolu” agentliyi yayıb.
Məlumatda bildirilir ki, Türkiyənin Ankara 4-cü Ağır Cəza Məhkəməsində prokurorun Fətullahçı terror təşkilatı (FETÖ) ilə bağlı hazırladığı ittiham aktı qəbul edilib.
Türkiyə KİV-I ittihamnamədə cinayət işi üzrə şübhəli şəxs qismində 73 nəfərin adının keçdiyini bildirir. Onların arasında FETÖ-nun rəhbəri Fətullah Gülənin də adı var.
Məlumata görə, məhkəmənin ilk hazırlıq iclası bu il noyabrın 22-25-də keçiriləcək.
pia.az