Vaşqinton Azərbaycanda vətəndaş cəmiyyətinin boğulması ilə bağlı indiki kampniya ilə əlaqəli Avropa Birliyindəki tərəfdaşları ilə məsləhətləşmələr aparır
Vaşinqtondakı diplomatik mənbələrdən "Turan"ın müxbirinə məlum olub ki, amerikalı və avropalı diplomatlar beşverənləri ciddi izləyirlər.
ABŞ-da siyasətçilər və diplomatlar İ.Əliyev hökuməti tərəfindən vətəndaş cəmiyyətinə təzyiqlərin, onun tənqidçi səsləri kəsmək istəməsi səylərinin güclənməsindən narahatlıq ifadə ediblər. Bu son illərdə insan haqlarına ən ciddi təzyiqdir.
“Hökumət xarici donirlardan qrant alan hər kəsə qarşı “ov”a çıxıb. Bu, Qərbin Azərbaycanda keçənilki prezident seçkilərini tənqidə məruz qoymasından sonra başlayıb”- deyə, adının çəkilməsini istəməyən diplomatik mənbə bildirib.
Hazırda ABŞ, Avropa Birliyi və s. regional tərəfdaşlar məsələni həll etmək və azad və ədalətli cəmiyyət qurmaq səyləri göstərən Azərbaycan vətəndaşlarına dəstək olmaq yolları axtarırlar.
Amma mənbə "ədalətli cəmiyyət qurmaq səyləri göstərən Azərbaycan vətəndaşlarına dəstək olmaq yolları axtarırlar" deyərkən konkret nəyin nəzərdə tutulduğuna aydınlıq gətirməyib.