Bu gün Ali Məhkəmədə jurnalist Xədicə İsmayılovanın Elman Türkoğlunun ona qarşı iddiası ilə bağlı iş üzrə məhkəmə prosesi keçirilib
Lent.az-a bu barədə vəkil Fariz Namazlı məlumat verib. Vəkil bildirib ki, prosesdə Xədicə İsmayıl çıxış edərək, barəsində bəraət hökmünün çıxarılmasını istəyib. Bundan sonra, vəkillər ləğv edilmiş MTN-in antiterror mərkəzinin rəhbəri Elçin Quliyevin şahid qismində dindirilməsini istəyiblər. Onlar bildiriblər ki, məhkəmə zamanı həmin mərkəzdən Binəqədi rayon Məhkəməsinə sənədlər göndərilib və sübutlar siyahısına daxil edilib. Məhkəmə vəsatəti təmin etməyib. Prosesdə qərar elan edilib. Qərara əsasən Xədicə İsmayılın kassasiya şikayəti təmin edilməyib.
Xatırladaq ki, E.Türkoğlu X.İsmayılı onun şərəf və ləyaqətini təhqir edib böhtan atdığı iddiası ilə məhkəməyə müraciət etmişdi. Binəqədi rayon Məhkəməsi jurnalisti 2500 manat cərimələmişdi. Bu il iyun ayında Xədicə İsmayıl bu iş üzrə Milli Məclisinin aministiya düşmüşdü. X.İsmayılova 2500 manat həcmində cəriməni ödəməkdən azad edilib. Yalnız jurnalist bəraət hökmünün çıxarılması istəyib.
pia.az
Digərxəbərlər
Populyar xəbərlər
