Hacıqabul rayon mərkəzi xəstəxanasında ər arvadını bıçaqla qətlə yetirib.
Bu barədə Hacıqabul rayonu Polis İdarəsinin sahə rəisi, polis mayoru Mübariz Nəbiyev məlumat verib.
Onun sözlərinə görə, hadisə bu gün axşam vaxtı xəstəxananın dəhlizində baş verib.
Belə ki, 46 yaşlı Hacıqabul sakini İslam Abxan oğlu Əhmədov ailə münaqişəsi zəminində həyat yoldaşı Bacıxanım Məlik qızı Əhmədovanı bıçaq zərbəsi ilə qətlə yetirib.
Əhmədova Hacıqabul rayon mərkəzi xəstəxanasıda tibb bacısı işləyib. İslam Əhmədov polis tərəfindən saxlanılıb.
Faktla bağlı Hacıqabul rayon prokurorluğunda cinayət işi başlanıb.
(ans press)