Yasamal rayon icra hakimiyyəti “İcra başçısının obyekti 100 min adamın istiliyini kəsdi” adlı məqalə ilə bağlı PİA. AZ saytının elektron poçtuna təkzib məktubu yollayıb
Qeyd edək ki, adı keçən yazı 24.11.20914-cü il tarixində virtualaz.org saytına istinadən PİA. AZ-da yayımlanıb.
Heç bir dəyişiklik etmədən Yasamal rayon icara hakimiyyətinin təkzib məktubunu oxucularımızın diqqətinə cəlb edirik:
"Hörmətli Redaksiya!
24.11.20914-cü il tarixdə saytınızda yerləşdirdiyiniz “İcra başçısının obyekti 100 min adamın istiliyini kəsdi” sərlövhəli məqalədə bildirilir ki, Yasamal rayonu sakinləri “Şahdağ” restoranının yaxınlığındakı iki beşmərtəbəli binanın arasından keçən boru xəttinin zədələndiyindən şikayətlənərək, yaxınlıqdakı inşa edilən obyektin Yasamal rayon İcra Hakimiyyətinin Başçısı İbrahim Mehdiyevə məxsus olduğunu qeyd ediblər.
Nəzərinizə çatdırırıq ki, sözügedən ərazidə, Əsəd Əhmədov (Talıblı) küçəsi 42 və 40 saylı binaların yaxınlığındakı 250 m2 torpaq sahəsi və yeni inşa edilən Ticarət və İşgüzar Mərkəzi sahibkar Səfərov Vüqar Məcid oğluna məxsusdur. Binanın tikintisinə dair təqdim olunmuş memarlıq-planlaşdırma həlli layihəsi Bakı Şəhər İcra Hakimiyyəti Memarlıq və Şəhərsalma Baş İdarəsi tərəfindən razılaşdırılmış, digər müvafiq rəy və razılaşdırma alınmışdır.
Qeyd edilən obyektin Yasamal Rayon İcra Hakimiyyəti Başçısı İbrahim Mehdiyevə məxsus olduğu həqiqətə uyğun deyil".
pia.az
Digərxəbərlər
Populyar xəbərlər
