Salyan rayonunun Qarabağlı kəndində Qafarov Bəhruz Sahət oğlu adlı keçmiş məhkum çayxanaya daxil olaraq orada istirahət edən 35 yaşlı Zeynalov Yusif Usubbala oğluna xuliqanlıq zəmnində bıçaq xəsarətləri yetirib
Virtualaz.org saytının Şirvan bürosunun Salyan Mərkəzi Rayon Xəstəxanasından əldə etdiyi məlumata görə, Yusif Zeynalov baş nahiyəsindən 2, üz nahiyəsindən isə 5 müxtəlif ölçülü bıçaq yarası alıb. Qeyd edək ki, hadisəni törətmiş Bəhruz adlı şəxs 9 il məhkumluq həyatı yaşadıqdan sonra bu yaxınlarda azadlığa çıxıbmış.
Hal-hazırda Salyan Rayon Polis İdarəsinin əməkdaşları tərəfindən hadisəni törətməkdə şübhəli bilinən Bəhruz Qafarovun saxlanılması istiqamətində əməliyyat tədbirləri həyata keçirilir.
pia.az