Xoşbəxtlikdən xəsarət alan olmadı
Lənkəranda zəncirvari yol-nəqliyyat qəzası baş verib.
Ans press-in əldə etdiyi xəbərə görə, hadisə Lənkəran-Boradigah yolunun rayonun Şağlaser kəndindən keçən hissəsində qeydə alınıb. Lənkəranın Cil kənd sakini Fövzü Bağırovun idarə etdiyi “Mersedes” markalı minik avtomobili qarşı tərəfdən gələn Farid Eyvazovun idarə etdiyi “VAZ-21011” markalı minik maşını ilə toqquşub. Daha sonra “Mersedes” markalı avtomobil yolun kənarında dayanmış Lənkəranın Şağlaser kənd sakini Yalçın Əliyevə məxsus “VAZ-2106” markalı minik avtomobilinə çırpılıb. Zəncirvari qəza nəticəsində xəsarət alan olmasa da, hər üç nəqliyyat vasitəsinə ciddi ziyan dəyib. Hadisə baş verən ərazidə tıxac yaranıb. Əraziyə yol polisinin əməkdaşları cəlb olunublar. Onların müdaxiləsi ilə şose yolda yaranan tıxac aradan qaldırılıb.
Hadisənin baş vermə səbəbləri həyata keçirilmiş avtoekspertizanın rəyindən sonra məlum olacaq.
pia.az
Digərxəbərlər
Populyar xəbərlər
