41 saylı Sumqayıt birinci seçki dairəsindən hakim Yeni Azərbaycan Partiyasının (YAP) vahid namizədi, hazıki deputat Leyla Abdullayevanın seçkilərdən qəfil geri çəkilməsinin səbəbi aydınlaşıb
PİA.AZ Strateq.az-a istinadən xəbər verir ki, deputat Sumqayıtda yeni vəzifəyə təyin ediləcək:
"Deputat olana qədər məktəb direktoru işləyən və bu sahədə kifayət qədər təcrübəsi olan Leyla xanım icra başçısı Zakir Fərəcovun ilk iclasda qovduğu Sumqayıt şəhər Təhsil İdarəsinin rəisi təyin ediləcək”.
Xatırladaq ki, YAP icra katibinin müavini Siyavuş Növruzov da bir neçə gün əvvəl Leyla Abdullayevanın dövlət qulluğunda işə keçəcəyi ilə əlaqədar deputatlıq yarışından geri çəkildiyini bildirib.
Leyla Abdullayeva
Görünür, həmin dairədən iqtidarın "Azərsutəchizattikinti” ASC-nin sədri, namizədliyi özü tərəfindən irəli sürülən YAP-çı Mirzəcan Xəlilovdan yana olması da, hazırkı deputatın vəzifəyə meyllənməsinə ciddi təsir göstərib.
Mirzəcan Xəlilov
Strateq.az-ın məlumatına görə, böyük maddi imkanlara və geniş çevrəyə sahib olan Mirzəcan Xəlilov sıradan bir şirkətin rəhbəri deyil, onun hakimiyyət daxilində çox ciddi dayaqları var: "Məhz bu faktora görə özü tərəfindən namizədliyi irəli sürülən YAP-çı Mirzəcan Xəlilova partiyadan da maneəyə yaradılmadı. Əksinə, YAP-ın siyahısı ilə seçkiyə qatılan deputat Leyla Abdullayevanı geri çəkilməyə sövq etdilər…”.
Mia.az-ın əldə etdiyi digər bir məlumatda isə, M.Xəlilovun deputat olmaq üçün çox böyük vəsait xərcləməkdədir. Ömrüboyu dövlət qulluğunda işləyən bu namizədin həmin vəsaiti hansı mənbədən əldə etməsi xeyli dartışmalı mövzu olmaqla yanaşı, ortaya digər suallar da çıxıb. Axı, YAP Sabirabad rayon təşilatının idarə heyətinin üzvü olan M.Xəlilovun 41 saylı Sumqayıt seçki dairəsini seçməsinin arxasında nələr gizlənib? Və yaxud onu himayə edən güc və ya qrup kimlərdir?!
pia.az
Digərxəbərlər
Populyar xəbərlər
