Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

““Qara maskalılar” Ziya Məmmədovun evində və bağında axtarış aparıb” - iddia


Məzuniyyətdəki nəqliyyat şefi haqda daha bir sensasiya ; Ziya Məmmədov susduqca barəsində ən müxtəlif iddialar yayılır; Məmmədovların mülklərində xüsusi əməliyyatın keçirildiyi deyilir; nazirdən 500 milyon pulun qaytarılması tələbi nə dərəcədə gerçəkdir?


Nəqliyyat naziri Ziya Məmmədovun ətrafında baş verən müəmmalı olaylarla bağlı demək olar ki, hər gün yeni məlumatlar yayılır. 

Bu xəbərlər o qədər ziddiyyətlidir ki, nəyin həqiqət, nəyin şayiə olduğunu  müəyyənləşdirmək çox çətindir. Ötən saylarımızda da qeyd etmişdik ki, Məmmədovların başı üzərində sıxlaşmış “qara buludlar” onun rəqiblərini də hərəkətə keçirib - elektron mediaya müxtəlif kanallarla xəbərlər ötürülür ki, bunları adı çəkilən personanın özü ilə dəqiqləşdirmək təəssüf ki, imkan xaricindədir. Müşahidələr həm də onu göstərir ki, Məmmədovlarla bağlı istənilən xəbər oxucu üçün çox maraqlıdır və bunu yazılarla bağlı statistika da göstərir. 

Məmmədovlarla bağlı mövzunun aktuallığını itirməməsinin başqa bir səbəbi də “vurulduğu” deyilən düşərgənin əsas fiqurunun susmasıdır. Məzuniyyətdə olduğu deyilən nazirin gah Ucarda olduğu, gah ölkə xaricində dincəldiyi söylənilir. Bir mətbu orqan iddia edir ki, nazir bir daha işə qayıtmayacaq, başqa bir informasiyada isə onun oktyabrın sonunda vətəndaşlarla qəbul günü olduğu iddia edilir. Bu səbəbdən də daxil olan məlumatları saf-çürük etmək, hətta digər rəsmi qurumlarla dəqiqləşdirmək çətinliyi yaranır. 

İki gün öncə Nəqliyyat Nazirliyinin ictimaiyyətlə əlaqələr şöbəsinin rəhbəri Namiq Həsən “Yeni”Müsavat"a müsahibə verib. Həmin müsahibəni oxuyarkən də Z.Məmmədovla bağlı dəqiq bir xəbərin olmadığı aşkar görünür. 

Nazirlə bağlı redaksiyamıza daxil olan ən son məlumatlar da bu qəbildəndir.
Məlumata görə, bu günlərdə nazirin Bakıdakı evlərində və bağlarında axtarış aparılıb. Bu sensasion xəbəri verən mənbənin danışdıqları kriminal filmlərin süjetini xatırlatsa da, ümumiləşdirərək onu qeyd etmək olar ki, Məmmədovların mülklərində axtarışları “qara maskalılar” aparıb. Mənbənin deyib ki, bir müddət əvvəl mediada bir nazirin bağ evinin içərisindəki otaqda ideal və möhkəm konstruksiya ilə tikilmiş bunker olması xəbəri ilə bu axtarış arasında əlaqə qurmaq mümkündür. 




Qeyd edək ki, belə bir xəbər bir neçə ay əvvəl mediada yayılmışdı. Həmin yazıda iddia olunurdu ki, adı gizli saxlanılan bir nazir pullarını, yəqin ki, həm də digər qiymətli əşyaları xaricdən gətirdiyi, yalnız özünün bildiyi xüsusi bir firmanın tikdiyi otaqda saxlayır, üstəlik ən müasir texnologiya ilə qorunmasını da təşkil edib. O zaman da məmurun kimliyi bilinmirdi, indi də konkret ad çəkmək mümkün deyil. Amma mənbə deyir ki, axtarış əmri ən yüksək səviyyədə verilməsəydi, kimsə bu cür addım atmağa cəsarət etməzdi. Yeri gəlmişkən, azadlıq.info nazirdən 500 milyon pulun qaytarılması ilə bağlı tələb qoyulduğu xəbərini yayıb. Məlumatlarda bildirilir ki, nəqliyyat naziri yarım milyard manat kredit borcuna görə hədəfə gəlib. “Bu vəsait Beynəlxalq Bankdan götürülüb. Ziya Məmmədov həmin vəsaiti ”Azərinşaatservis"in qurulmasına sərf edib. 




Daha doğrusu “Azərinşaatservis”in qurulması adı ilə xərcləyib. “Azərinşaatservis” üçün bu vəsait hesabına 6000 adda texnika alındığı rəsmiləşdirilib. Bu zaman ciddi korrupsiyaya yol verildiyi şübhə doğurmur. Ancaq məsələ yalnız bunda deyil. Həmin texnika Nəqliyyat Nazirliyinin həyata keçirdiyi yol layihələrində quruma icarəyə verilib. “Azərinşaatservis” bundan xeyli mənfəət əldə edib. Lakin buna baxmayaraq götürülən kredit qaytarılmayıb. “Azərinşaatservis” borcun əvəzində Beynəlxalq Banka verilib. Bildirilir ki, Beynəlxalq Bankla bağlı “kredit qalmaqalı”nda bu məsələ barədə ölkə başçısı İlham Əliyevə məlumat verib. Bundan sonra Ziya Məmmədovun qara günləri başlayıb. Məlumatda deyilir ki, əgər nəqliyyat naziri borcu qaytarmasa, o zaman sərt şəkildə cəzalandırıla bilər" deyə, xəbərdə bildirilir. Bu xəbərdən də göründüyü kimi, nazirdən hansısa pulun qaytarılmasının tələb edirlər və mümkündür ki, “qara maskalılar” da bu vəsaiti izinin axtarmaq üçün görəvləndirilib. 
 



“Qara maskalılar”ın məmurlarla bağlı keçirdiyi əməliyyatlar haqda mətbuatda bundan əvvəl də bir neçə dəfə yazılıb. Məsələn, 2013-cü ildə Zərdabın icra başçısı Lütvəli Babayev, ondan əvvəl isə Hacıbala Abutalıbov “maska-şou” ilə üzləşiblər. 2007-ci ildə belə məlumat yayılmışdı ki, H.Abutalıbov dövlət səviyyəsində ona tapşırılan bir işi yerinə yetirmədiyinə görə, kabinetində “qara maskalılar” axtarış aparmış, onun seyfindən bəzi mühüm sənədlər və digər bağlamalar müsadirə olunaraq götürülmüşdü. Lap bu günlərdə isə Xətainin icra başçısı Razim Məmmədovun da analoji vəziyyətlə üzləşdiyi xəbəri yayılmışdı. Məmurlarla bağlı bu iddialar indiyədək də təkzib olunmayıb. Yada salaq ki, bir neçə iri ranqlı məmurun, bank işçilərinin, deputatların həbsi zamanı da dövlətin gücündən istifadə olunub. 2005-ci ildə iqtisadi inkişaf naziri Fərhad Əliyevə və səhiyyə naziri Əli İnsanova qarşı da oxşar əməliyyatlar baş tutmuşdu.




Lakin bizim mənbə iddia edir ki, Ziya Məmmədovun gözdən düşməsinin əsas səbəbi Avropa Oyunlarının başlamasına bir gün qalmış “Atletlər Kəndi”ndəki məlum avtobus qəzasıdır. Həmin hadisə zamanı 3 avstriyalı idmançı ağır yaralanmışdı. Sonradan məlum oldu ki, qəza törədən sürücü iki dəfə məhkum olunub. Onun qəsdən adamöldürməyə görə həbs edildiyi, lakin dosyesinin təmizlənərək işə götürüldüyü iddia edilir. Həmçinin bildirilir ki, həmin sürücü radikal dini qruplaşmalardan birinin üzvüdür. Onun xüsusi tapşırıqla bu hadisəni törətdiyi bildirilir. Qeyd edək ki, bu mövzuda mətbuatda dəfələrlə yazılıb.     

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Aprel ayında bu bürcü fantastik pul və yeni vəzifə gözləyir

Politoloq: Ukraynadan sonra növbəti qurban Ermənistan seçiləcək...

Sabiq milli təhlükəsizlik naziri Namiq Abbasov vəfat edib

Azərbaycan XİN Namiq Abbasovun vəfatı ilə bağlı paylaşım edib

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

“Crocus”da insanları xilas edən Emil Hüseynov və anası baş verənlərdən danışdılar - Video

"Belə iddia səsləndirəndə mətndə rəqəm, hesabat olur, daha səbət və gilas yox" - AYNA sərt tənqid edildi

Sumqayıtda xəstəxananın həyətində aşkarlanan körpə meyiti ilə bağlı araşdırma aparılır - Yenilənib  

Bakıda və üç rayonda qazın verilişində məhdudiyyət olacaq

Ən çox oxunanalar