Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Quska“ Hacı İbrahimin kabinetini necə gülləboran etdirib


Almaniyada mühacirətdə olan keçmiş deputat-oliqarx, “Quska” ləqəbli mafioz Hüseyn Abdullayevin daha bir cinayət əməlinin üstü açılıb


Məlum olub ki, “Quska”nın qeyri-leqal yarımhərbi dəstəsinin üzvləri məşhur biznesmen Hacı İbrahim Nehrəmlinin iş otağına basqın edib, onun qardaşı Nazim İbrahimovun evini atəşə tutub, Naxçıvan Ali Məclisinin deputatı, iş adamı Arzu Kazımovu vəhşicəsinə döyüb, Məmmədtağı İbrahimovun ofisinə basqına cəhd göstərib və c.

Virtualaz.org-un məlumatına görə, bu əhvalat barədə jurnalist Eynulla Fətullayev özünün Facebook səhifəsində yazıb.

Xatırladaq ki, bundan öncə E.Fətullayev əvvəlcə “Quska”nın yarımhərbi kriminal dəstəsinin 1998-ci ildə ADP sədri Sərdar Cəlaloğluna yaşadığı binanın blokunun girişində hücum edərək başına vedrə keçirdiklərini, siyasətçini taxta ilə ölümcül hala saldıqlarını, sonra isə “Azərsun” prezidenti Abdolbari Goozalın ofisinə basqın edərək biznesmeni döyüb, seyfindən 180 min dollar apardıqlarını yazmışdı...



E.Fətullayevin “Quska” tərəfindən vaxtilə törədilmiş bu əməllərin üstünü açması keçmiş deputatın sosial şəbəkələrdə onun ünvanına qeyri-etik ifadələr, təhqirlər yağdırmasına cavabdır.

Belə ki, bu günlərdə “Quska” prezidentliyə iddiasını ortaya qoyub. Haqqin.az və virtualaz.org saytları isə onun vaxtilə törətdiyi əməlləri, yarımhərbi qeyri-leqal birləşmə saxlayaraq siyasətçilərə, jurnalistlərə zorakı hücumlar təşkil etdirdiyini yada salaraq “quldurun prezident olmaq iddiasını” tənqid edib. “Quska” bundan bərk qəzəblənib və həmin vaxtdan etibarən sosial şəbəkələrdə jurnalistləri, o cümlədən E.Fətullayevi təhqir edir.

Eynulla Fətullayev isə buna cavab olaraq özünün Facebook-dakı səhifəsində əvvəlcə belə anons paylaşıb: "Tərbiyəsiz və əxlaqsız "Quska" ləqəbli biznesmen, kəmsavad, bivec və nadan Hüseyn Abdullayev adlı küçə uşağı prezidentliyə namizədliyini verib və "Azadlıq" qəzetinin səhifələrində məni təhqir edib. Yazır ki, Hüseyn Abdullayevin cinayətlərini sübut etməsəm...

Ardınca isə özünə və Əli Kərimliyə xas jarqonda əxlaqsız cümlələr işlədib. Mən bunları yazmaq istəmirdim. “Quska” özü vadar etdi. Mən, haqqin.az saytından da “Quska”ya cavab yazmayacam, çünkü bu küçə uşağı haqqin.az kimi mötəbər və hörmətli KİV-in səhifələrinə layiq deyil. Mən, “Quska”nın cinayətlərini, elə onun öz dilindən eşitdiklərimi Sizə nəql edəcəm!!!



E.Fətullayev vədinə sadiq qalaraq bu gün “Quska”nın vaxtilə ona danışdığı üçüncü əhvalatı izləyiciləri ilə paylaşıb. O, Facebook səhifəsində aşağıdakıları yazıb.

**

Hüseyn Abdullayevin cinayətləri (3-cü hissə) - Hacı İbrahimin iş otağına basqın, Nazim İbrahimovun evinin atəşə tutulması, Naxçıvan Ali Məclisinin deputatı, iş adamı Arzu Kazımovun vəhşicəsinə döyülməsi, Məmmədtağı İbrahimovun ofisinə basqın cəhdi

90-cı illərin sonunda bir sıra iş adamları, xüsusilə Naxçıvan əsilli, məlum maşın yağı biznesinə maraq göstərərək, Azərbaycandan Ukraynaya maşın yağı ixrac edərək, əvəzinə Bakıya armatur gətirirlərmiş. İş adamları bu biznes sahənin də “Quska” ləqəbli inhisarçı Hüseyn Abdullayevin nəzarətində olduğunu bilmirdilər.

Hüseyn Abdullayev əvvəlcə şifahi ultimatum göndərərək, bu biznesmenlərdən Ukrayna ilə ticarətə son qoymağa tələb edir. Amma ultimatuma rəğmən, iş adamları biznesi davam etdirirlər.

1998-99-cu illərdə Hüseyn Abdullayevin cinayətkar dəstələri iş adamlarına hücuma keçirlər. İlk qurban hamının yaxşı tanıdığı Nehrəmli Hacı İbrahimdir. O zamanlar, Hacı İbrahimin ofisi indiki Ədliyyə Nazirliyinin binasında yerləşirdi. “Quska”nın yaraqlıları Hacı İbrahimin şəxsi kabinetinə daxil olur və “Kalaşnikov” avtomatlarından onun otağını gülləbaran edirlər...

Bunun ardınca, daha bir dəstə Azərbaycanın Ukraynadaki səfiri, Hacı İbrahimin qardaşı Nazim İbrahimovun evininin pəncərələrinə avtomatlardan atəş açır...

Eyni zamanda, birbaşa “Quska”nın göstərişi ilə günün günorta çağı Bakı Bulvarının ərazisində cinayətkar dəstə Naxçıvan Ali Məclisinin deputatı, iş adamı Arzu Kazımova hücum təşkil edir və onu camaatın gözü qarşısında vəhşicəsinə döyürlər.

Bir neçə gün sonra, “Quska” Naxçıvan Ali Məclisinin digər deputatı, iş adamı Məmmədtağı İbrahimova qarşı hücuma hazırlaşır. M.İbrahimov, Fəvvarələr Meydanında “Azərbaycan” kinoteatrının yaxınlığında yerləşən ofisində özünümüdafiə məqsədilə digər Naxçıvanlı qruplaşması üzvlərindən armaturla silahlanmış ordu formalaşdırır... Beləlikə, maşın yağı biznesinin inhisarı maraqlarının müdafiəsi naminə Bakının mərkəzi küçələri əsl döyüş meydanlarına çevrilir.

“Quska” Abdullayev, sadaladığım və birbaşa tərəfinizdən həyata keçirilmiş bu cinayətlərin xatırlanması kifayətdirmi? İstəsəniz, digər saysız-hesabsız cinayətləri də xatırlada bilərəm? Düşünürsən ki, Azərbaycan xalqının yaddaşı silinib? Bəlkə xalq sizin cinayətlərinizi əfv edib, unudub? Yanılırsız, Sizi baqajda da olsa Bakıya gətirib, mühakimə edəcəyik! Cinayətləriniz sizi təqib edəcək, hər küçədə, hər döngədə... Almaniya olsa belə!”.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

Azneft”in baş direktoru vəzifəsindən azad edildi - Yeni təyinat

BMT Baş katibi azərbaycanlı diplomatı yüksək vəzifəyə təyin edib

Ən çox oxunanalar