«Azərbaycanın Rusiyanın Hərbi-Sənaye Kompleksi ilə əməkdaşlığı siyasi xarakter daşıyır»

Üzeyir Cəfərov: “Azərbaycan Silahlı Qüvvələri üçün Rusiyadan "Yak-130" təlim-döyüş təyyarələri alınması mənim fikrimcə daha çox siyasi önəm daşıyır, nəinki hərbi məqsədlər".

Bu sözləri "Hərbi Jurnalistlər" İctimai Birliyinin rəhbəri, ehtiyatda olan polkovnik Üzeyir Cəfərov PİA.AZ-a Azərbaycanın Rusiyadan “Yak-130” təlim-döyüş təyyarələri alacağı ilə bağlı yayılan xəbərləri dəyərləndirərkən bildirib.

Hərbi ekspertin fikrincə Rusiyadan silah idxal zamanı siyasi amillər kifayət qədər böyük rol oynayır:

“Azərbaycan Silahlı Qüvvələri üçün Rusiyadan "Yak-130" təlim-döyüş təyyarələri alınması mənim fikrimcə daha çox siyasi önəm daşıyır, nəinki hərbi məqsədlər. Aydın məsələdir ki, bu texnika bizim hərbçilər tərəfindən öz döyüş vərdişlərini daha da artırmaq məqsədi üçün də istifadə ediləcək. Geniş anlamda isə, bu daha çox hərbi-siyasi addımdır.

Nəzərə almaq lazımdır ki, bu yaxınlarda MN-nin rəhbər şəxslərindən biri general-leytenant Kərim Vəliyevin "Yolumuz NATO-ya inteqrasiadır” deməsi ilə Rusiya istehsalı olan silah-sursatın alınması nə isə uzlaşmayan məsələlədir. Ruisyanın hərbi sənayesi hər zaman cəlbedici olub və yəqin ki, hələ yaxın illər ərzində daha da diqqətçəkən olmaq üçün çox çalışmalı olacaqdır. Amma biz müasir dünyada daha ucuz və keyfiyyətli olan hərbi avadanlığa daha çox üstünlük verməliyik”.

Niyaməddin

pia.az