Siyavuş Novruzov: "Əgər bu barədə rəsmi məlumat yoxdursa, buna inanmaq lazım deyil".
Bu sözləri Milli Məclisin deputatı, Yeni Azərbaycan Partiyası (YAP) icra katibinin müavini Siyavuş Novruzov Soçi görüşündən sonra Rusiya mətbuatında yayılan məlumatı şərh edərkən PİA.AZ-a bildirib.
Hakim partiaynın rəsmisi bütün bu məlumatları dezinformasiya adlandırıb:
"Əgər bu barədə rəsmi məlumat yoxdursa, buna inanmaq lazım deyil. Bunlar şaiyədən başqa bir şey deyil. Bu söhbətin yalan olduğunu hər kəs bilir. Burada söhbət nədən gedə bilər? Azərbaycanın bütün regionlarına kifayət qədər investisiya vəsaitləri qoyulur və regionların sosial-iqtisadi inkişafına dair müxtəlif layihələr həyata keçirilir. Dağlıq Qarabağ da Azərbaycanın bir bölgəsidir. Yəni, sabah Dağlıq Qarabağ işğaldan azad olunandan sonra Azərbaycan hökuməti bu bölgəyə də kifayət qədər investisiya vəsaitləri yatıracaq. İnanıram ki, yaxın zamanlarda öz torpaqlarımıza qədəm qoyacağıq. Buna tam əmin ola bilərsiz".
Niyaməddin
pia.az
Digərxəbərlər
Populyar xəbərlər
