Goranboy rayonunda ağır qətl hadisəsi baş verib
Bu barədə Goranboy rayon Prokurorluğundan məlumat verilib.
Məlumata görə, bir ailənin evinə silahlı hücum olub. Hücum nəticəsində bir ailənin 7 üzvü öldürülüb, iki nəfər yaralanıb. Hadisə zamanı yaralananlar xəstəxanaya yerləşdirilib.
Hadisə yerinə rayon prokurorluğu və polis idarəsinin əməkdaşları gəlib.
***
Goranboy rayon Polis Şöbəsindən APA-nın qərb bürosuna verilən məlumata görə, silahla evə hücum edən şəxs evdə 7 nəfəri öldürüb, 2 nəfəri isə yaralayıb.
Hadisə bu gün səhər saat 4:00 radələrində baş verib. Yaralılar 28 yaşlı Natiq Məmmədov və 30 yaşlı Günel Məmmədova Gəncə şəhər Təcili Tibbi Yardım Xəstəxanasına yerləşdirilib. Hadisənin ailə münaqişəsi zəmində baş verdiyi ehtimal edilir.
Goranboy Rayon Prokurorluğunun əməkdaşları hadisə yerindədirlər. Faktla bağlı cinayət işi açılıb, istintaq gedir.
Goranboyda 7 nəfəri öldürən Hüseynov Rafiq haqda rayondakı mənbədən bəzi məlumatlar əldə etmişik. Mənbənin musavat.com-a verdiyi bilgiyə görə, qatil setka sexində fəhlə işləyirmiş. Arvadıyla mübahisə edib, qadın gecə 1 radələrində atası evinə gedib. Ər onu qaytarmaq üçün qayınatasıgilə yollanıb, lakin qızın valideyinləri ona "yox" cavaı verib. Bundan sonra Rafiq Hüseynov evə gəlib beşatılan silahla arvadının atası evinə hücum çəkib. Sonra da qonşuluqdakı taksi sürücüsünün evinə gedib, ondan maşınını istəyib. Qonşu onun istəyini rədd edəndə R.Hüseynov onun üüstünə silah çəkib. Qonşu qaçıb, bu zaman gözü dönmüş R.Hüseynov ona atəş açıb. Lakin güllə qapiya dəyib. Taksi sürücüsü olan həmin adam dərhal DİN-nin 102 xidmətinə zəng vuraraq hadisə haqda məlumat verib.
Digərxəbərlər
Populyar xəbərlər
