Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Ramiz Mehdiyevin kitabı Litva dilində nəşr edilib


“Azərbaycanın keçmişdəki itkiləri və gələcəyinin strateji görünüşü” adlı kitabı 2015-ci ilin yanvar ayında Vilnüsdə Litva dilində işıq üzü görüb (litvaca – Ramizas Mehdijevas. “Azerbaidžano praeities netektys ir ateities vizija”). Kitabın nəşri “20 Yanvar” faciəsinin 25-ci ildönümünə həsr olunub


İki hissədən ibarət olan bu kitabın birinci hissəsində R. Mehdiyevin “Azərbaycanlılara qarşı soyqırım gerçəklikləri” adlı tarixi oçerki dərc olunub. 

Bu hissədə həmçinin dünyaca ünlü siyasət və dövlət xadimi Heydər Əliyevin 1990-cı il 20 yanvar faciəsi ilə əlaqədar Azərbaycanın Moskvadakı daimi nümayəndəliyində 1990-cı il yanvarın 21-də keçirilmiş yığıncaqda etdiyi çıxışı və Azərbaycanlıların soyqırımı haqqında Azərbaycan Respublikası Prezidentinin 26 mart 1998-ci il tarixli Fərmanı nəşr  edilib.
 
Bununla bərabər, həmin hissədə R.Mehdiyevin sözügedən tarixi oçerki barədə litvalı müəlliflər – Litva Milli Elmlər Akademiyasının akademiki, məşhur tarixçi alim, professor Antanas Tila və Vilnüs Universitetinin Beynəlxalq Münasibətlər və Siyasi Elmlər İnstitutunun müəllimi, sosial elmlər doktoru Laurinas Kasçyunas tərəfindən yazılmış resenziya və politoloji mülahizələr, həmçinin müstəqil Litva Respublikasının 1990 – 1992-ci illərdə ilk dövlət başçısı, 2004 – 2014-cü illərdə Avropa Parlamentinin üzvü və Avropa Parlamentinin Cənubi Qafqaz dövlətləri ilə Nümayəndə heyətinin Sədr müavini, Azərbaycan Dövlət İdarəçilik Akademiyasının Fəxri doktoru, məşhur siyasətçi və ictimai-mədəni xadim, professor Vitautas Landsbergisin 20 Yanvar hadisələri haqqında "Azərbaycanın faciəsi“ adlı məqaləsi yer almışdır.
 
Kitabın ikinci hissəsində oxuculara R.Mehdiyevin "XXI əsrdə Azərbaycan ideyası kreativ millət kontekstində“ adlı sosial-siyasi və fəlsəfi əsəri təqdim olunub. Bu əsər haqqında tanınmış iqtisadçı alim, Litva Milli Elmlər Akademiyasının akademiki, monetar siyasət sahəsində nüfuzlu mütəxəssis, professor Antanas Buraçasın yazıdığı geniş həcmli elmi məqalə və "Qlobal Rəqabət Qabiliyyəti İndeksi 2013 – 2014“ (The Global Talent Competitiveness Index) hesabatında Azərbaycanın və Litvanın tutduqları reytinqlərə aid müqayisəli göstəricilər də sözügedən hissədə dərc olunub.
 
 R.Mehdiyevin kitabını Litva dilinə Azərbaycan və Litva filologiyaları üzrə mütəxəssis, Azərbaycan - Litva ədəbi-mədəni və ictimai-siyasi əlaqələrinin tədqiqatçısı, publisist və tərcüməçi, Azərbaycan Yazıçılar Birliyinin fəxri üzvü Mahir Həmzəyev və litvaşünas Edita Ratkuvene tərcümə ediblər.
 
Kitabın Litva dili redaktoru Litva Milli Elmlər Akademiyasının Humanitar və Sosial elmlər bölməsinin elmi katibi Aurika Bagdonaviçenedir. Kitabın tərtibatçısı və xüsusi redaktoru isə M. Həmzəyevdir. M.Həmzəyev həmçinin kitabda getmiş "Keçmişin ağrıları və gələcəyin böyük ümidləri“ adlı giriş məqaləsinin müəllifidir.
 
Kitab Azərbaycan Respublikasının Diasporla iş üzrə Dövlət Komitəsinin dəstəyi ilə Litva Azərbaycanlıları Cəmiyyəti tərəfindən 1000 (min) nüsxədən ibarət tirajla nəşr edilib. Kitabın təqdimatı ilə bağlı AR Diasporla iş üzrə Dövlət Komitəsi və Litva Azərbaycanlıları Cəmiyyətinin birgə layihəsi çərçivəsində Litvanın elm və ali təhsil müəssisələrində, dövlət institutlarında, yaradıcılıq ittifaqlarında, ictimai-siyasi və mədəni təşkilatlarında 2015-ci ildə bir sıra tədbirlərin keçirilməsi nəzərdə tutulub.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

Azneft”in baş direktoru vəzifəsindən azad edildi - Yeni təyinat

BMT Baş katibi azərbaycanlı diplomatı yüksək vəzifəyə təyin edib

Ən çox oxunanalar