“BP-nin rəsmi koordinatoru Faiq Bağırovla, Ucar Rayon İcra Hakimiyyətinin Ramal kənd üzrə nümayəndəsi Rahib Şərifov, əlbir olub mənə dedilər ki, bu müqaviləyə imza atmasanız, torpağınızı əlinizdən alıb bələdiyyənin mülkiyyətinə verəcəyik”
81 yaşlı Ucar sakini Bp-Azərbaycan şirkətinin rəsmi koordinatoru Faiq Bağırovu Cənubi Qafqaz Boru Kəmərinin Genişləndirilməsi layihəsinə ayrılan kompensasiyaları mənimsəməkdə ittiham edib.
Bu barədə Ucar rayonu Ramal kəndi sakini Məmmədov Məhəmmədiyyə Bəxtiyar oğlu tərəfindən PİA.AZ-a ünvanlanan şikayət məktubunda bildirilir. Həmin məktubu olduğu kimi oxucularımızın diqqətinə cəlb edirik:
“Bp-Azərbaycan şirkətinin rəsmi koordinatoru Faiq Bağırov Ucar Rayon İcra Hakimiyyətinin Ramal kənd üzrə nümayəndəsi Rahib Şərifovla əlbir olub və vəzifə səlahiyyətlərindən, həmçinin bizim savadsızlığımzdan sui-istifadə edib bizə düşəcək kompenssasiyanı saxtakarlıqla qohumum Məmmədova Mənsurə Ərrəhman qızına verilməsini təşkil etmişdilər. Belə ki, Ucar rayonu Aqrar İslahatlar Komissiyasının 1998-ci il 15 aprel tarixli 05 nömrəli qərarı ilə bizim ailəyə 4.85 hektar pay torpaq sahəsi verilşi. Həmin vaxt ailə başçısı mən göstərməklə böyük oğlum Etibar , onun həyat yoldaşı və iki övladına da torpaq sahəsi ayrılıb və buna dair ümumi dövlət aktı tərtib edilib. Sonradan oğlum ev tikdirib ailəsi ilə birgə yaşamasına baxmayaraq, pay torpaqlarımız bir olub və bölünməyib. Cənubi Qafqaz Boru Kəmərinin Genişləndirilməsi (CQBKG) Lahiyəsi üçün torpağın ilkin ayrilması üzrə dövlət və mülkiyyətçi arasında anlaşma memorandum imzalanan vaxt bizi aldatdılar. Adlarını göstərdiyim BP-nin rəsmi koordinatoru Faiq Bağırovla, Ucar Rayon İcra Hakimiyyətinin Ramal kənd üzrə nümayəndəsi Rahib Şərifov əlbir olub mənə dedilər ki, bu müqaviləyə imza atmasanız, torpağınızı əlinizdən alıb bələdiyyənin mülkiyyətinə verəcəyik.
Bizim savdasızlığımızdan istifadə edərək və vəzifə səlahiyyətlərini aşaraq saxta sənədə hədə-qorxu ilə imza etdirdilər. Daha sonra isə ailəmizə düşəcək kompensassiyanı saxtakarlıq yolu ilə hədə-qorxu gələrək qohumum Mənsurə Məmmədovaya verilməsinə razı olmağımıza dair sənədə bizə imza etdirdilər. Bizim ailəyə düşəcək kompensasiyanın həcmi də saxtakarlıqla azaldılıb.
Mənim 81 yaşım var, 7 nəfərdən ibarət ailəmizə məxsus pay torpaq sahəmə görə ayrılmış 8.000 manat kompensassiyanın bizə verilməməsi cinayətdir. Bunu adlarını göstərdiyim vəzifəli şəxslər ediblər. Buna kim inanar ki, 8000 manat kompensasiyanın qohumumun almasına pula ehtiyacı olan kasıb ailə razı olsun? Bu saxtakarlığı edən Ucar Rayon İcra Hakimiyyətinin Ramal kənd üzrə nümayəndəsi Rahib Şərifov kompensasiyanı alan gəlnim Mənsurə Məmmədovanın yaxın qohumudur. Mənim oğlum Etibar dünyasını 2005-ci il tarixdə dəyişib, İki böyük övladı var. Düzdür bu kompensasiyanın yarsı onlarındır. Ancaq bizə çatacaq hissəsinin də onlara verilməsi cinayətdir.
Rahib Şərifovun saxtakarlığı iki qohumu üz-üzə qoyub. Bp-Azərbaycan şirkətinin rəsmi koordinatoru Faiq Bağırov isə saxta sənədlərlə yerli camaatı aldadıb kompensasiyaların məbləğini azaldıb özü mənimsəyir. Onun bu əməlləri xüsusi komissiya tərəfindən araşdırılıb qanunu tədbirlər görülməlidir.
Bizim ailə bu saxtakarlıq, özbaşınalıq faktı ilə əlaqədar Prezidentə, Mehriban xanıma, ARDNŞ-nin Prezidenti cənab Rövnəq Abdullayevə və Bp- Azərbaycan Şörkətinin rəhbərinə şikayət ərizəsi ilə müraciət etmişik. Mətbuat vasitəsi ilə həmin hörmətli şəxslərdən xahiş edirəm bu saxtakarlıq faktını araşdırıb qanunu tədbirlər görsünlər”.
Qarşı tərəfin mövqeyini dərc etməyə hazırıq...
pia.az
Fotolar
Digərxəbərlər
Populyar xəbərlər
