Aramsız yağan yağışlar Şəkinin Kiş kəndində ciddi fəsadlara səbəb olub
Axar.az xəbər verir ki, yağıntının miqdarının çox olması Kiş çayında suyun səviyyəsini bir neçə dəfə artırıb. Nəticədə bir müddət əvvəl Kiş kəndi ilə rayon mərkəzi arasında salınan müvəqqəti körpünün bir hissəsi uçub.
Kəndinin elektrik təminatı da dayanıb.
Region TV-nin məlumatına görə, fəsadları aradan qaldırmaq üçün əraziyə çoxlu sayda işçi qüvvəsi və canlı texnika cəlb olunub. Körpü düzəldilib, gediş-gəliş bərpa olunub. Hazırda rəsmilər, əlaqədar qurumların səlahiyyətliləri hadisə yerindədir. Dəyən ziyanın həcmi müəyyənləşdirilir.
pia.az