Bu pula o iki böyük şirkəti yoxlamadan azad etməyə söz verib
Rusiyada qubernator külli miqdarda rüşvət alan yerdə yaxalanıb. Söhbət Kirov vilayətinin qubernatoru Nikita Belıxdən gedir.
ANS PRESS-in Rusiya mıtbuataına istinadla verdiyi məlumata görə, yüksək vəzifəli məmur Federal Təhlükəsizlik Xidmətinin əməkdaşları tərəfindən Moskva restoranlarının birində 400 min avro (671 min 480 AZN) rüşvət alarkən həbs edilib.
Məlumata görə, qurbernator vəzifəsindən sui-istifadə edərək iki şirkəti dəstəkləyib. Bunlar alman şirkəti “Lesoxozyaystvennaya upravlyayuşaya kompaniya” və Kiprə aid olan “Novovyatskiy lıjnıy kombinat”dır. Nikita Belıx 400 min avroya iki şirkəti yoxlamalardan azad etmək barədə razılaşıb.
Qubernatora qarşı cinayət işi açılıb. Onun 8 ildən 15 ilə qədər azadlıqdan məhrum olunması tələb olunur.
Nikita Belıx 2009-cu ildən Kirovun qubernatoru vəzifəsini icra edir. Belıx Britaniyanın məşhur Oksford universitetinin məzunudur.
pia.az