AXCP-nin Nərimanov təşkilatının təşkilatı məsələlər üzrə şöbə müdiri Ağaşirin Tanrıverdioğlunun qurumdan xaric olunmasının səbəbləri ilə bağlı “Yeni Müsavat”a müsahibə verib. O, müsahibəsində AXCP rəhbərliyinin ünvanına ağır ittihamlar səsləndirib:
“AXCP-də hamı bilir ki, Əli Kərimli Milli Şuraya sədr keçmək istəyir. Çünki Milli Şura Avropa təşkilatlarının biri tərəfindən yeganə müxalif qurum kimi tanınıb.
Əli Kərimli istəmir ki, Cəmil Həsənli o kürsüdə otursun. Partiyadakı qruplar isə bunun əleyhinə çıxdı. Hazırda AXCP-də Fuad Qəhrəmanlı ilə Həsən Kərimovun başlarında durduqları iki qrup var. Fuad bəy partiyada heç kəs tərəfindən qəbul olunmur. Amma Əli bəy tərəfindən qəbul olunan yeganə adam odur”.
AXCP sədrinin müavini Fuad Qəhrəmanlı modern.az saytına açıqlamasında ittihamlara konkret münasibət bildirib:
“Mən bu cür qeyri-ciddi fikirlərə vaxt ayırmaq istəmirəm. Ağaşirin Tanrıverdioğlu ağlına gələni danışıb. Mən isə onu şərh eləmək istəmirəm”.
pia.az