“Gün ərzində 4-5 saatdan çox cizgi filmi seyr edən uşaqlarda hiperaktivlik və davranış pozuntusu kimi problemlər yaranır”
Psixoloq Günay Ağayeva: “6-7 yaşına kimi olan uşaqların cizgi filminə baxmaq müddəti 20-30 dəqiqə arasında dəyişilməlidir və gündə cəmi bir dəfə icazə verilməlidir”.
Uşaqların sevimli məşğuliyyətlərindən biri cizgi filmlərini seyr etməkdir. Uşaqlar demək olar ki, əksər saatlarını televiziya qarşısında cizgi filmlərini izləməklə keçirirlər. Mütəxəssislərə görə, cizgi filmləri uşaqların özünü dərk etməsi, ətraf aləmi kəşf etmələri üçün önəmli rola malikdir. Lakin bu, hər cizgi filmə aid edilə bilməz. Bəzi cizgi filmləri var ki, onlar uşaqlara bəzən siyasi, bəzən manipulyativ, bəzən isə reklam xarakterli informasiya daşıyırlar.
Amerikada aparılan bir araşdırmanın nəticələrinə görə, uşaqlarda televizora maraq 18 aylıq olarkən yaranır. Amma bu, hələ onların tamaşaçı olduğunu göstərmir. 2 yaşdan yuxarı başlayaraq cizgi filmlərinə maraq oyanır. Bu yaşda olan uşaqların təqlidetmə qabiliyyəti yavaş-yavaş yaranır.
Yaşından asılı olamataraq, cizgi filmlərinin uşaq psixologiyasına mənfi və müsbət təsirləri hansılardır? Cizgi filmləri uşağın gələcəyinə necə təsir edə bilər?
PİA.AZ cizgi filmlərinin uşaq psixologiyasındakı rolu ilə bağlı “BİZİMLƏ MƏSLƏHƏT” maarifləndirici, psixoloji verilişinin qonağı psixoloq Günay Ağayeva ilə olan verilişi oxucularına təqdim edir:
Gülşən ŞƏRİF
pia.az