“Mübariz Qurbanlının dini bilgisi zəif ola bilər. Amma tərəfsizdir, məzhəb kimliyi yoxdur, dövlətçidir. Buna görə də bu təyinatı Azərbaycan dövləti üçün yüksək qiymətləndirirəm”
Axar.az xəbər verir ki, bu fikirləri ilahiyyatçı Ramin Vəkilov YAP İcra katibinin müavini Mübariz Qurbanlının Dini Qurumlarla İş üzrə Dövlət Komitəsinə sədr təyin olunmasına münasibət bildirərkən deyib. Əlavə edib ki, əvvəlki sədr ölkəni məzhəb ayırmalarına aparıb:
“Bundan əvvəlki sədr Elşad İsgəndərov məzhəb hisslərini cilovlaya bilmədi və bu da müəyyən narazılıqlarla müşayiət olundu. Mübariz Qurbanlı isə dövlətin tərəfsizliyini qoruyacaq. Uğurlar arzu edirik!”
Qeyd edək ki, Komitənin yeni sədri Mübariz Qurbanlı liberal dini baxışlara malikdir. Eyni zamanda o vegeteriandır.