“Mübariz“ snayper tüfəngi istifadəyə veriləcək

Bunu çərşənbə axşamı jurnalistlərə müdafiə sənayesi naziri Yavər Camalov deyib.

Nazirin sözlərinə görə, bu ilin sonunda tüfəng Silahlı Qüvvələrdə silahlanmaya qəbul olunacaq.

Müdafiə Sənayesi Nazirliyinin (MSN) əməkdaşları dekabrın 17-də peşə bayramları münasibəti ilə Fəxri və Şəhidlər xiyabanlarını ziyarət edib.

Qeyd edək ki, Azərbaycan Respublikası Prezidenti İlham Əliyevin sərəncamı ilə 2005-ci ilin 16 dekabrında Müdafiə Sənayesi Nazirliyi yaradılıb.

İlham Əliyev 2009-cu ilin noyabrın 10-da Müdafiə Sənayesi Nazirliyi işçilərinin peşə bayramının təsis edilməsi haqqında sərəncam imzalayıb. Sərəncama əsasən, hər il dekabrın 17-si MSN işçilərinin peşə bayramı günü kimi qeyd olunur.(trend)