Onun sözlərinə görə, Ankara hər halda hadisələrin inkişafının bütün mümkün variantlarını nəzərə alır
"Ukrayna hadisələri Türkiyə ilə Rusiyanın energetika sahəsindəki əməkdaşlığına təsir etməyəcək".
ANS PRESS-in məlumatına görə, bu barədə Yaponiyada səfərdə olan Türkiyənin xarici işlər naziri Əhməd Davudoğlu jurnalistlərə açıqlamasında deyib.
"Energetika sahəsində Türkiyənin və Rusiyanın münasibətləri yalnız təbii qazın çatdırılması ilə məhdudlaşdırılmır. İki ölkə arasında nüvə energetikası sahəsində də inkişaf var. Biz səy göstəririk ki, Ukraynayla bağlı bütün hadisələr Rusiyayla bizim əməkdaşlığımıza mənfi təsir göstərməsin".
Davudoğlu həmçinin bildirib ki, bu sferada neqativ proses gözlənilmir. Onun sözlərinə görə, Ankara hər halda hadisələrin inkişafının bütün mümkün variantlarını nəzərə alır:
"Böhranlardan asılı olmayaraq biz tam qətiyyətlə yanacaq mənbələrinin şaxələndirilməsi və enerji strategiyamızın inkişafı ilə məşğul oluruq. Bura "Nabukko", Transanadolu və Transadriatik qaz tədarükü mənbələrinin diversifikasiyası məqsədilə həyata keçirilən layihələri misal göstərmək olar.
Digərxəbərlər
Populyar xəbərlər
