
Yeni televiziya mövsümdə Azərbaycan efir məkanında maraqlı bir serialın nümayişinə başlanacaq. "Xəzər TV"-də həftədə bir dəfə yayımlanacaq yumoristik serialın adı isə tam dedektiv janrlı, çox populyar və ciddi türk serialı olan "Kurtlar Vadisi"nin adından götürülüb. Daha doğrusu bu serialın adının sonuna Azərbaycan əlavə edilməklə, "Kurtlar Vadisi Azərbaycan" serilanının çəkilişlərinə start verilib.
Bu barədə PİA-ya son vaxtlar yazdığı mahnılarla bəstəkarlığa iddialı olan jurnalist Cavanşir Babəlioğlu məlumat verdi. "Mən, bu seriala çəkilməklə həm də aktyorluq qabiliyyətimi nümayiş etdirəcəyəm. Yumor janrda ekranlaşıdılan çoxseriyalı televiziya filminin layihə rəhbəri Valeh Əhmədov, prodüseri, Samid Ramizoğludur. Serialın rejissoru Namiq İxtiyarov, quruluşçu operatoru isə Elmar Məmmədovdur. "Kurtlar Vadisi" seialının əsas personajları bu filmdə yer alacaqlar. Məsələn, Polad Alemdar obrazını canlandıran Necati Şaşmazın azərbaycanlı oxşarı kimi tanınan Tural Əsgərov Polad obrazını, İsgendəri gənc aktyor - Elvin Agayev, Abdulhey-i Samid Ramiz oğlu, Mematini-Azər Cavadov canladırıblar.
Bir sözlə, sözügedən serial, tam Azərbaycanlaşmış şəkildə tamaşaçılara təqdim olunacaq. Tanınmış iki xanım müğənni Xuraman Şuşalı, Səidə Sultan da özləri bu serialda aktirsa kimi sınayıblar. Xuraman "Matı", Səidə isə "Qızılgül" komik obrazlarını canlandırıblar. Ümidvaram ki, sürprizlə bol olacaq "Kurtlar Vadisi Azərbaycan" tamaçaçıların marağına səbəb olacaq".
Çəkilişləri paytaxtda, eləcə də Bakının Pirşağı kəndində aparılan serialın birinci hissəsinin montaj prosessi yekunlaşmaq üzrədir. Ona görə də ürəkdən gülmək arzusunda olanlara, serialın ilk bölümünü sentyabrın ilk həftəsində "Xəzər TV" də izləməyi məsləhət bilirik.