Poliqon Online İnformasiya Agentliyi

“ZƏKİ” LƏQƏBLİ MƏMUR-OLİQARX KİMDİR?
28.7.2010

EHTİMALLARA GÖRƏ, BU KOD ADI KƏMALƏDDİN HEYDƏROVA UYGUN GƏLİR...

Azərbaycanda oliqarx-məmurlarla bağlı vaxtaşarı maraqlı və dəhşətli informasiyalar səslənməkdədir. Ən maraqlısı isə budur ki, əksər oliqarxlarımızla bağlı məlumatlar ölkə kənarından gəlir. Hətta gələn xəbərlərin içərisində elələri var ki, bunun dərci belə fiziki məhvlə sona çata bilər. Çünki bu faktları təstiqləmək şansımız yoxdur və buna görə bizi sadəcə böhtan atmaq bəhanəsi ilə susdura bilərlər.

Çünki bu günkü qanunvericilik onları haqlı çıxaracaq. Amma əldə etdiyimiz bəzi faktları bütün qanunvericilik normalarını nəzərə almaqla diqqətinizə çatdirırıq. Aldığımız məlumatda bildirilir ki, bu gün Azərbaycan da elə olqarxlar var ki, onlar dünya biznes elitasından tutmuş ən mafioz qurumlara qədər geniş dairələrdə ciddi nüfuza sahibdirlər. Hətta bunlardan bəziləri dünya iqdisadi sferasına təsir etmek qabiliyyətinə də malikdirlər.

Adi bir fakta diqqət yetirin ki, hətta Livan kimi dövlətlərdə də belə oliqarxlar ağlagəlməz söz və nüfuz sahibidirlər. Belə simalardan biri diqqətimizi daha çox cəlb etdi. Bu şəxs artıq 10 ildən çoxdur ki, dünyanın biznes elitasında ciddi nüfuz sahibinə çevrilə bilib və təsir imkanları o səviyyədədir ki, istənilən dövlətin investisiya probleminin həllinə dəstək ola bilər.

Bundan başqa, həmən şəxsin İtaliya kimi dövlətlərdə kökləşən mafioz dairələr arasında da ciddi nüfuzu var. Çox maraqlıdır ki, azərbaycanlı oliqarx bu gün də Uzaq Şərq ölkələrinin qaranlıq gücləri və biznes elitası ilə sıx əməkdaşlığa başlayıb. Bütün bunlardan sonra maraqlı son detala toxunmaq istəyirik. Söhbət həmən şəxsin kimliyindən gedir. Həmən şəxs sadaladığımız dairələr də öz adı ilə tanınmır. Əslində hamı onun kimliyini beş barmağı kimi bilir. Amma kod adı olaraq onu ZƏKİ deyə təqdim edirlər. “Zəki” kod adı altında qaranlıq dünyanın aparıcı fiqurlarından birinə çevrilən azərbaycanlının hazırda ölkəmizdə olduğu və ciddi post sahibi olaraq fəaliyyət göstərdiyi deyilir.

Bəs nəyə görə ZƏKİ? Bununla bağlı ciddi araşdırmalar apara bilməsək də, bəzi məqamlarla bağlı xəbərlər eldə etdik. Ona bu adın ya Fransada, ya da Livanda verildiyi deyilir. Zəki adı isə ona görə verilib ki, biznes əməliyyatlarını həddən artıq sürətlə aparır və bu günə qədər, bir dəfə də olsun, yanlışliğa yol verməyib. Hətta onun yanlışlıqdan qaçması səbəbindən bir sıra nüfuzlu və təsirli simalar öz sərvətlərinin də qorunmasını və inkişafını ona tapşırıblar.

Aldığımız bu ilginc informasiyanı dəqiqləşdirmək üçün xaricdə yaşayan azərbaycanlılarla söhbət etdik. Xaricdə yaşayan soydaşlarımızın əksəriyyəti ZƏKİ ləqəbli oliqarxımızın “fövqəlnazir” Kəmaləddin Heydərov olduğunu bildirdi. Bu informasiyanı tam dəqiqləşdirmək isə imkanlarımız xaricindədir.

“Zəki” ləqəbli azərbaycanlının dünya biznes elitasında belə bir gücə çevrilməsinə sevinmək lazımdı, yoxsa əksinə? Bunu oxucularımızın ixtiyarına buraxırıq.

784 dəfə oxunub