Çərşənbə axşamı, 19 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Kirayədə qalan vətəndaşlara dövlət yardım edə bilərmi?

“Kirayədə qalan vətəndaşlara hər hansı güzəştin verilməsi həmin mənzilin sahibinin özündən asılıdır”...

Bunu Qaynarinfo-ya açıqlamasında millət vəkili Vüqar Bayramov kirayədə qalan vətəndaşlara dövlət tərəfindən hər hansı yardımın edilib-edilməməsi ilə bağlı sualları cavablandırarkən deyib. O bildirib ki, kirayə evlər özəl olduğundan ona hər hansı müdaxilə edilə bilməz:

"Bu yalnız evini kirayə verən vətəndaşlarımızın bir başa razılığı əsasında mümkündür. Çünki həmin evlər özəldir. Evlər özəl olduğu üçün kirayə haqlarının ödənilməsinə müdaxilə etmək praktik olaraq mümkün deyil. Bu baxımdan məsələ artıq kooperativ sosial prinsipidir. Yəni, burada bir başa kirayəçi ilə mənzilini kirayə verən vətəndaşın razılığı əsasında baş verə biləcək güzəştdən söhbət gedir. Ona görə də kirayədə qalan vətəndaşlara hər hansı güzəştin verilməsi həmin mənzilin sahibinin özündən asılıdır".

İqtisadçı ekspert Natiq Cəfərlinin fikirincə, Prezidentin Nazirlər Kabinetinə ayırdığı 1 milyard dollar vəsaitdən kirayəşinlərə hər hansı formada dəstək vermək mümkündür:

"Bizdə çox təəssüf kirayə müqavilələri bağlanmır ki, orda da bir fors-major situasiyaları olsun. Çox zaman razılaşma fərdlər arasında şifahi danışıqla əldə edilir. Bir çox ölkələrdə artıq bununla bağlı trend başlayıb. Elə bir neçə gün öncə Türkiyədə də başlandı. Ev sahiblərinə həm hökumət, həm xalq, həm də məşhur insanlar tərəfindən müraciətlər olur ki, kirayələrdə qalanlara heç olmasa 1 aylıq kirayə haqqı bağışlansın. Azərbaycanda da belə bir kampaniyanın başladılmasının yararı var. Düzdür, qanuni şəkildə hər hansısa formada mənzil sahibinə təsir etmək məhduddur. Mənzil sahibinə deyə də bilmərik ki, öz mülkiyyəti müqabilində qazanc əldə etməsin. Amma ümumi vəziyyətə görə bir kampaniya aparmaq olar ki, mənzil sahibləri ilkin olaraq heç olmasa 1 ay güzəşt etsinlər. Bunu insanların bir-birinə dəstəyi, dayanışması kimi kampaniyaya da çevirmək olar. Xaricdə bu, çox geniş yayılıb. Məncə, Azərbaycanda da məşhur insanların bu kampaniyaya video çəkərək və ya efir vasitəsilə dəstək olması müsbət addım olar. Amma dediyim kimi, bunu qanuni şəkildə etmək mümkün deyil. Yeganə o ola bilər ki, koronavirusla mübarizə üçün prezidentin Nazirlər Kabinetinə ayırdığı 1 milyard dollar vəsaitdən kirayənişinlərə dəstək üçün hər hansısa formada qərar qəbul edilsin. Burda da ən böyük problem yenə kirayənişinlərin əksəriyyətinin müqaviləsiz yaşamasıdır. Ona görə bunu bir insanlıq jesti kimi kampaniya şəklində aparmaq olar".

pia.az



Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Məşhur avtomobil markasının Azərbaycanda istehsal tarixi açıqlandı 

Bukingem sarayı kral III Çarlzın ölüm xəbərini təkzib edib - Yenilənib

Bu gün ilaxır çərşənbə - Torpaq çərşənbəsidir

Tacir Şahmalıoğlu: “Evliliyim alınmadı, boşandım”

Ramazan ayının doqquzuncu gününün imsak, iftar və namaz vaxtları    

“Qarabağ”ın baş məşqçisi cəzalandırılıb

Nömrəsini sərnişinə vermək istəyən sürücü cəzalandırıldı - Açıqlama

Növbəti köç karvanı Füzuli şəhərinə çatıb, mənzillərin açarları təqdim olunub - Yenilənib

Prezident Xankəndidə Novruz tonqalını alovlandırıb, xalqı təbrik edib - Yenilənib

Ən çox oxunanalar