İyulun 21-də növbədənkənar parlament seçkiləri keçiriləcək
Ukrayna prezidenti Vladimir Zelenski Ali Radanın səlahiyyətlərinin vaxtından əvvəl dayandırılması və iyulun 21-də növbədənkənar parlament seçkilərinin keçirilməsi haqda fərman imzalayıb.
Reyting.az Ukrayna mediasına istinadən bildirir ki, sənəd prezidentin saytında yayılıb.
Zelenski parlamentin buraxılacağını mayın 20-də özünün inauqurasiyası zamanı açıqlamışdı.
O, bunun səbəbini vətəndaşların parlamentinə inamının aşağı olması ilə – cəmisi 4 faiz izah edib.
Mayın 21-də parlament fraksiyalarının liderləri dövlət başçısı ilə məsləhətləşmənin gedişində növbədənkənar seçkilərin keçirilməsinə razılaşıblar.
Son sorğu nəticələrinə görə, növbədənkənar seçkilər nəticəsində parlamentə Zelenskinin “Xalqın xidmətçisi” partiyası, “Batkivşina”, “Müxalifər platforması – Yaşayış uğrunda”, eləcə də “Pyotr Poroşenkonun Bloku” keçə bilərlər.
pia.az