Çərşənbə axşamı, 16 İyul 2019
USD : 1.7
EUR : 1.9178
Hava
+29 ° Baku
+31 ° Quba
+23 ° Qusar
+32 ° Gəncə
+28 ° Lənkəran
+30 ° Naxçıvan
+35 ° Salyan
+32 ° Şəki

UEFA Ukrayna Futbol Federasiyasına qarşı intizam işi açıb –Səbəb

Buna Ukrayna millisinin azarkeşlərinin etdikləri qeyri-etik hərəkətlər səbəb olub

UEFA Ukrayna Futbol Federasiyasına qarşı intizam işi açıb.

Buna Ukrayna millisinin azarkeşlərinin etdikləri qeyri-etik hərəkətlər səbəb olub. Fanatlar komandanın Avropa çempionatının seçmə mərhələsində Serbiyanı (5:0) məğlub etdiyi matçda pirotexniki vasitələrdən istifadə edib və meydana müxtəlif əşyalar atıblar. Onlar həmçinin tribunanı da bloklayıblar.

Qurum həmçinin Bolqarıstan Futbol Federasiyasını da cəzalandıra bilər. Buna səbəb yığmanın Kosovaya uduzduğu (2:3) görüşdə azarkeşlərin irqçiliyə yol verməsidir.

Latviya Futbol Federasiyası da fanatların irqçiliyinə görə cəzaya məruz qala bilər. Latviya azarkeşləri İsrailə uduzduqları AVRO-2020-nin seçmə mərhələ matçında (0:3) qeyri-etik ifadələrə yol veriblər.

Avropa futbol qurumu Yunanıstan milli komandasının baş məşqçisi Anqelos Anastasiadisin də qeyri-etik davranışlarını nəzərdən keçirəcək. 66 yaşlı mütəxəssis seçmə mərhələdə İtaliyaya 0:3 uduzduqları görüşdə diqqət mərkəzinə düşüb. Təşkilat həmçinin pirotexniki vasitələrdən istifadə edən və meydanda əşyalar atan yunan azarkeşlərin qayda pozuntularına da baxacaq.

Qeyd edək ki, UEFA bu məsələrlə bağlı iyunun 14-də qərar qəbul edəcək.(Report)

pia.az

Etiket: UEFA Ukrayna

Şərh yazın.

loading...