Cümə, 25 Sentyabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Səfirlik Rostovun Aksay bazarından azərbaycanlıların kütləvi çıxarılmasına aydınlıq gətirib

Məsələ səfirlik tərəfindən ətraflı araşdırılıb

Azərbaycanın Rusiya Federasiyasındakı Səfirliyi Rostov na-Donu şəhərində yerləşən bazardan azərbaycanlıların kütləvi çıxarılması və ölkəmizə deportasiya edilməsi haqqında sosial şəbəkələrdə yayılan məlumatlar barədə araşdırma aparıb.

Səfirlikdən APA-nın Moskva müxbirinə verilən məlumata görə, səfirliyə sosial şəbəkələrdə Rusiyanın Rostov-na-Donu şəhərində fəaliyyət göstərən Aksay bazarında çalışan həmvətənlərimizin oradan çıxarılması və bəzilərinin Azərbaycana deportasiya edilməsi ilə bağlı yayılmış qısa video daxil olub.

"Belə bir hadisənin hansı səbəbdən baş verdiyi, oradakı azərbaycanlıların kim tərəfindən çıxarıldığı barədə ətraflı xəbərin verilməsi, konkret adların və faktların göstərilməsi xahiş edildikdə sözügedən müraciətin müəllifi onda heç bir məlumatın olmadığını bildirib.

Buna baxmayaraq, məsələ səfirlik tərəfindən ətraflı araşdırılıb. Belə ki, Rostov vilayətinin qubernatorunun aparatından, Rusiya Daxili İşlər Nazirliyinin Rostov vilayəti üzrə Baş polis idarəsindən, yerli diasporumuzun üzvləri, hətta qeyd olunan bazarın müdiriyyətindən əldə etdiyimiz məlumata əsasən, həqiqətən də yerli polis əməkdaşları müxtəlif millətlərdən olan insanları, o cümlədən bir qrup soydaşımızı həmin bazarın ərazisindən uzaqlaşdırıb. Buna səbəb onların Rusiya Federasiyasının ərazisində pərakəndə ticarətlə məşğul olmaq üçün müvafiq icazələrinin olmaması göstərilir. Bundan əlavə diqqətə çatdırılır ki, sözügedən ticarət obyektinin yerində yaşayış kompleksinin tikintisi gözlənilir və həmin bazar bağlanmaq üzrədir.

Bununla bağlı Rusiyada çalışan soydaşlarımıza bir daha müraciət edirik. Hörmətli həmvətənlər, sizi Rusiya ərazisində problemsiz və maneəsiz çalışmağınız üçün Rusiya Federasiyasının qanunlarına tam və şərtsiz əməl etməyə çağırırıq. Qanunları pozan soydaşlarımıza lazımi köməkliyin göstərilməsi Səfirliyin imkanı xaricindədir.

Müasir texnologiyaların verdiyi imkanlardan sui-istifadə edən kəslərə isə bildirmək istəyirik ki, səfirlik öz səlahiyyətləri çərçivəsində ərazisinə görə dünyanın ən böyük dövləti olan Rusiyanın istənilən nöqtəsində hər bir Azərbaycan vətəndaşının qarşılaşdığı problemi həll etməyə hazırdır. Yaranan real problem barədə səfirliyə yazılı və ya şifahi məlumatın verilməsi kifayətdir ki, onun həlli istiqamətində müvafiq işin aparılmasına başlanılsın.

Bunun yerinə isə mahiyyəti araşdırılmamış, təsdiqini tapmamış, şayiələrə əsaslanan və əksər hallarda həqiqəti əks etdirməyən hadisələri sosial şəbəkələrdə paylaşaraq ictimaiyyəti çaşdırmaq cəhdləri onu deməyə əsas verir ki, sözügedən kəslər özlərini “vətənpərvər”, “haqq-ədalət carçısı” kimi göstərib diqqəti şəxslərinə cəlb etməklə məşğuldurlar"-deyə Səfirliyin məlumatında qeyd olunub.

pia.az


Etiket: Rusiya

Şərh yazın.


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Əliyevlə Paşinyanın emissarları arasında gizli danışıqlar üzə çıxdı - Sensasion təfərrüat...

Bakıda dəhşət: Nənəsini və bibisini qətlə yetirdi - Təfərrüat, Yenilənib

Jurnalist Həbib Müntəzir Əli Həsənova müraciət etdi: Villanın yerini tapdım. Qaytar dövlətə!

“Pikap”ların müsadirə olunmasına deputatdan reaksiya: “Xalq, az qala bayram edir”

Prokurorluq Yusif İldırımzadənin qaynının qətli ilə bağlı məlumat yayıb

“Bilirdim ki, pis şərhlər yazacaqlar” - Samirə Mustafayeva - Fotolar

Azərbaycanda yas mərasimlərinin ləğvi təklif olundu

Aralıq dənizindəki gərginlik Qarabağ münaqişəsinə təsir edirmi? - Sərhəddə erməni fəallığının səbəbi...

“Məni vurmağa çalışırlar” - Özünü təbrik edən deputatdan sərt ittiham

Ramiz Mehdiyevin Qusarda da villası varmış... - Foto

loading...

Ən çox oxunanalar