Azərbaycanın daha bir paralimpiyaçısı Tokio-2020-yə vəsiqə qazanıb...
Azərbaycan Tokio-2020 XVI Yay Paralimpiya Oyunlarına 6-cı lisenziya qazanıb.
Bu uğura paraatlet Samir Nəbiyev nail olub.
O, Birləşmiş Ərəb Əmirliklərinin Dubay şəhərində keçirilən dünya çempionatının F57 kateqoriyasında nüvəitələmə yarışında 14.06 m nəticə göstərərək, dördüncü yeri tutub. Bu nəticə həmyerlimizə Tokio-2020 XVI Yay Paralimpiya Oyunlarına lisenziya verib.
Mundual noyabrın 15-də bitəcək.
Qeyd edək ki, S. Nəbiyevdən öncə Kamil Əliyev (paraatlet), Kamran Zeynalov, Yelena Taranova (hər ikisi paraatıcı), Elşən Hüseynov (parapauerliftinq) və Roman Saley (paraüzgüçü) də Tokio-2020-yə lisenziyaya yiyələniblər.
pia.az