Çərşənbə axşamı, 19 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Prezident Meksikadan siyasi sığınacaq aldı

Evo Morales Meksika təyyarəsi ilə ölkədən gedib...

KONKRET.AZ xəbər verir ki, o, seçi saxtakarlığı nəticəsində ölkəsində baş verən etirazlardan sonra istefa vermişdi.

Twitter-də yazdığı bəyanatında cənab Morales deyib ki, “Boliviyanı tərk etmək onu ağrıdır, amma o daha “güclü və enerjili” olaraq geri qayıda bilər.

Meksikanın Xarici İşlər Naziri Evo Moralesin Meksika təyyarəsi ilə ölkədən getdiyini təsdiq edib.

Eyni zamanda Boliviyanın ordu rəhbəri hərbiçilərə Morales tərəfdarları ilə toqquşmalarda polisə kömək etmək üçün əmr verib.

Boliviya Prezidenti istefa versə də ölkədə onu tərəfdarları ilə etirazçılar arasında toqquşmalar davam edir.

Toqquşmalarda 20 nəfərin yaralandığı bildirilib.

Boliviya Prezidenti Evo Morales kütləvi etirazlardan sonra 14 illik hakimiyyətindən getdiyini açıqlayıb və istefa verib.

Evo Morales üç dəfə Prezident olduqdan sonra dördüncü dəfə üçün də seçkilər keçirdi, amma kütləvi etirazlardan sonra istefa verməli oldu.

Son seçkilərdə qələbəsini elan etdikdən sonra etirazlar zamanı ordu rəhbərliyi də ona getməsini çağırış etmişdi.

Seçki müşahidəçiləri seçkilərdə saxtakarlıq aşkar ediblər, ancaq Evo Morales dövlət çevrilişinin qurbanı olduğunu bildirib.

O, siyasi müttəfiqlərinin evləri yandırılandan sonra onların ailələrini qorumaq üçün hakimiyyəti tərk etdiyini deyib.

Evo Morales televiziya ilə çıxışında etirazçılara müraciət edərək “bacı-qardaşlarınıza hücum etməyin, yanğınları və hücumları dayandırın” deyib.

Qeyri-müəyyən günlər

Paytaxt La Pazda milyonlarla boliviyalı regionun ən uzun müddətli prezidentinin hakimiyyətdən getməsinin belə tezliklə baş verməsini bayram edir.

Ən axırda ordu Evo Moralesə müraciət edərək Boliviyanın stabilliyi üçün getməli olduğunu bildirib.

O, çoxları üçün anti-demokrat lider olsa da digərləri üçün, xüsusəndə kasıb boliviyalılar üçün Evo Morales milyonlara söz haqqı verən prezident olub.

Boliviyanın ilk yerli rəhbəri olan Evo Morales dərin bərabərsizlik olan cəmiyyəti daha əhatəli hala gətirməyə müvəffəq olub.

Onun tərəfdarları bu hadisəni dövlət çevrilişi olaraq görsələr də, onun tənqidçiləri bunu tiranın sonu olaraq adlandırır. Bu günlər Cənubi Amerikanın ən kasıb xalqı üçün qeyri-müəyyən günlərdir.

Prezidentdən sonra vitse-prezident Alvaro Garcia Linera və Senatın Prezidenti Adriana Salvatierra da istefa veriblər.

Etirazçılar küçələrdə qələbələrini “hə, biz bacardıq” şüarları altında alov ətrafında qeyd edirlər.

Proseslər necə oldu?

Boliviyada seçkilərdə saxtakarlıq iddiaları ilə həftələrdir ki, hakimiyyətə qarşı etiraz aksiyaları keçirilirdi.

İlk gərginlik prezident seçkilərinin axşamı nəticələrin hesablanmasının 24 saat dayandırılmasından sonra alovlandı.

Seçkilərin son nəticəsində Evo Moralesə seçkinin ilk turunda açıq-aşkar qalib gəlmək üçün lazım olan 10 faizlik səsdən bir qədər çox nəticə verildi.

Bundan sonra yaranan qarşıdurmalar zamanı ən azı üç nəfər öldü. Aksiya iştirakçılarına bəzi polis geyimli adamlar da qoşuldu.

Bazar günü, seçkiləri izləyən Amerika Dövlətləri Təşkilatı məlumatların geniş miqyaslı manipulyasiyasına dair sübutlar tapdığını və əvvəlki sorğuların nəticələrini təsdiq edə bilmədiyini söyləyib.

Kimdir Evo Morales?

Cənab Morales Boliviyanın ilk yerli prezidenti olub və 2006-cı ildən bəri hakimiyyətdə idi.

O, oktyabr seçkilərində Konstitusiya Məhkəməsinin prezidentlik müddətinin məhdudlaşdırılması ilə bağlı mübahisəli qərarından sonra ardıcıl olaraq dördüncü dəfə namizəd oldu.

2016-cı il referendumunda bir çoxu boliviyalılar prezidentlik müddətinin həddini artırmaq üçün “yox” demişdi.

Bundan sonra cənab Moralesin partiyası müddət məhdudiyyətlərini tamamilə ləğv etmək üçün Konstitusiya Məhkəməsinə müraciət etmişdi.

pia.az


Etiket: Evo Morales

Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Bukingem sarayı kral III Çarlzın ölüm xəbərini təkzib edib - Yenilənib

Bu gün ilaxır çərşənbə - Torpaq çərşənbəsidir

Tacir Şahmalıoğlu: “Evliliyim alınmadı, boşandım”

“Qarabağ”ın baş məşqçisi cəzalandırılıb

Ramazan ayının doqquzuncu gününün imsak, iftar və namaz vaxtları    

Nömrəsini sərnişinə vermək istəyən sürücü cəzalandırıldı - Açıqlama

Prezident Xankəndidə Novruz tonqalını alovlandırıb, xalqı təbrik edib - Yenilənib

Paşinyan: Əks halda həftənin sonunda müharibə olacaq...

"Nicat Lənkəranski" ləqəbi ilə tanınan şəxs 1 il 1 ay müddətinə azadlıqdan məhrum edilib - Yenilənib

Ən çox oxunanalar