Şənbə, 17 Aprel 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki
En

Kane: "Neftçi"nin layiq olduğu yerə yüksəlməsi üçün canımı belə qoymağa hazıram"

"Neftçi”nin yarımmüdafiəçisi Mamadu Kane klubun rəsmi saytına müsahibə verib...

Təlim-məşq toplanışını dəyərləndirən 22 yaşlı qvineyalı futbolçu onun üçün "Neftçi”də ən yaddaqalan hadisə ilə bağlı da danışıb.

Bu artıq sizin "Neftçi”nin heyətində qatıldığınız üçüncü təlim-məşq toplanışıdır. Təəssüratlarınız necədir?

- Bundan əvvəlki toplanışların ikisi də fərqli olub. Hər iki hazırlıq prosesi yaxşı təşkil olunmuşdu. Hazırkı təlim-məşq toplanışımız da çox yaxşı davam edir. Toplanışdan-toplanışa daha da inkişaf etdiyimi hiss edirəm.

Artıq bir ildən çoxdur "Neftçi”dəsiz. Sizin üçün burada ən yaddaqalan hadisə hansı olub?

- Mənim üçün "Neftçi”də bu günədək ən yaddaqalan hadisə Tula "Arsenal”ı ilə Avroliqa oyunlarıdır. Hər iki matçı yüksək səviyyədə keçirdik. Çox güclü rəqibə qarşı gözəl oyun nümayiş etdirərək qalib gəldik. Bu, mənim karyeramda ən yaddaqalan hadisə olub. Çünki özümü yaxşı tərəfdən göstərib, komandaya faydalı oldum ki, nəticədə növbəti mərhələyə adladıq. Bundan əlavə, "Qarabağ”la qolsuz heç-heçə ilə nəticələnmiş matçı da yaddaqalan hesab edirəm. Çox yaxşı oynamışdıq. Qalib gəlməsək də, qələbəyə layiq idik.

Adətən, deyirlər ki, toplanış çərçivəsində keçirilən sınaq matçlarındakı nəticələr vacib deyil. Bəs siz necə düşünürsüz?

- Hazırda komanda şəklində toplanışdakı ilk yoxlama oyununa hazırlaşırıq. Çox şadam ki, bu hazırlıq yüksək əhval-ruhiyyədə keçir. Həm komanda yoldaşlarım, həm məşqçi heyəti, həm də klubda çalışanlar işlərinə çox yaxşı kökləniblər. Bu da məni çox sevindirir. Sınaq matçlarının hər biri bizim üçün çox vacibdir. Çünki belə oyunlarda səhvlərimiz üzə çıxır və onların üzərində işləyirik. Yoxlama görüşləri komanda halında inkişafımıza da fayda verir.

"Neftçi”yə gəldiyin ilk gündən azarkeşlər sənin komandadakı vəziyyətinlə maraqlanıblar. Onlara sözün varmı? Ümumiyyətlə, komandanın əsas üzvlərindən birinə çevriləcəyini təsəvvür edirdin?

- "Neftçi” öz oyunumu Avropada göstərmək üçün mənə şərait yaratdı. Mənə inandıqları üçün əvvəlcə klub rəhbərliyinə, məşqçi heyətinə və komanda yoldaşlarıma təşəkkür edirəm. Çünki bunadək vətənimdən başqa ölkədə futbol oynamamışdım. Buna ilk dəfə "Neftçi” ilə nail oldum. Azarkeşlərə də xüsusi minnətdarlığımı bildirirəm. Onların dəstəyini daim hiss etmişəm. Fanatlarımız hər oyunda həm komandanı, həm də məni dəstəkləyiblər. Bu məni həm çox sevindirir, həm də daha yaxşı oynamaq üçün ürəkləndirir. "Neftçi”nin layiq olduğu yerə yüksəlməsi üçün canımı belə qoymağa hazıram. Azarkeşlərimizin də dəstəyi ilə buna nail olmağa çalışacağıq.

pia.az


Etiket: Mamadu Kane


Digərxəbərlər

Populyar xəbərlər

“Şahbaz məhkəmədə Azərbaycan bayrağını təhqir elədi” – Açıqlama

"Tərtər İşi"ndəki işgəncələrlə bağlı Xanlar Vəliyev danışdı - "Nağıldır"

Günel Həsənli ilə videosu yayılan Mahir: "Sizə kim ixtiyar verib bu nömrəni yığmağa?"

Azərbaycanlı müğənni müflis oldu - “120 min pulum batdı“

Fazil Məmmədovun kürəkəni Londonda 4 bina aldı - Fotofakt

Mehdiyevlərin biznes imperiyası "çat verir" – "Bank BTB" də əldən çıxa bilər

Prezident və birinci xanım Pirşağıda təməlqoyma mərasimində iştirak ediblər - Yenilənib

COVID-19-dan sağalanlar yoluxanları sayca üstələdi - Son sutkanın statistikası

Xalq artistinin dəfn olunacağı yer bəlli oldu - Rəsmi

Şahbaz: "Dilqəmi vurmuşam, yaxşı edib vurmuşam"

Xatirə İslam və ərinin vəziyyəti ağırlaşdı - Xəstəxanaya yerləşdirildi

Ən çox oxunanalar