Şahzadə Henri İLK dəfə danışdı: “Başqa seçimim yox idi”

Konkrert.az Türkiyə mediasına istinadla xəbər verir ki, bu barədə şahzadə Cənubi Afrikadakı AİDS xəstəsi olan uşaqlara yardım fondunun təşkil etdiyi konfransda çıxışı zamanı məlumat verib:

“Nənəmə hər zaman ən böyük hörmətimi göstərəcəyəm. Ona inanılmaz dərəcədə minnətdaram. Son aylar ailəmə, mənə və Meqana göstərdiyiniz dəstək üçün də minnətdaram”.

Çıxışı zamanı Henri hadisələrin bu cür cərəyan etməsinə və bu yerə qədər gəlib çıxmasına çox təəssüfləndiyini bildirib: “Həqiqəti məndən eşitməyinizi istəyirəm. Şahzadə və hersoq olaraq deyil, Henri olaraq danışıram. İngiltərə mənim evimdir. Bu əsla dəyişməyəcək”.

Başqa seçimlərinin olmadığını deyən Henri “Meqan və mən evləndikdən sonra həyəcanlandıq. Ümüdlüydük və xidmət etmək üçün burda idik. Bu, həyat yoldaşımla birlikdə verdiyim bir qərardır. Və çox asanlıqla qərar verməmişik. Aylarla davam edən görüşlərdən sonra axırda bu qərara gəldik. Hər zaman doğru şeylər etməmişəm, amma bu qərarımla əlaqədar olaraq bunları demək istəyirəm: həqiqətən başqa bir seçimimiz yox idi”.

Qeyd edək ki, İngiltərə şahzadəsi Henri və xanımı Meqan Markl kral ailəsinə məxsus səlahiyyətlərindən imtina etmələri ilə bağlı verdikləri açıqlamadan sonra Kraliça II Yelizabet cütlüyün qərarına hörmət etdiyini bildirərək onları dəstəkləyib.

pia.az