Şənbə, 04 İyul 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

“Müsavat bəzi dairələrdə YAP-la birləşib” - Sərdar Cəlaloğlu

Müsavat Partiyasının başqanı Arif Hacılı fevralın 9-na təyin edilmiş növbədənkənar parlament seçkiləri ilə bağlı maraqlı açıqlamaları ilə gündəmə gəlib

Seçkilərdə YAP-dan sonra ən çox namizədlə iştirak edən siyasi qüvvənin Müsavat olduğunu xatırladan Arif Hacılı seçkilərdə də əsas rəqabətin Müsavatla YAP arasında gedəcəyini söyləyib.

Azərbaycan Demokrat Partiyasının sədri Sərdar Cəlaloğlu isə Müsavat Partiyasının bir neçə dəfə dağıldığını vurğulayıb: “Elə olsaydı, biz partiya olaraq, 120 dairədən namizəd irəli sürüb, qeydiyyatdan da keçirərdik. Müsavatın bəzi dairələrdə iki nəfər üzvü bir-birinə alternativ olub. Namizədlərin qeydə alınmasında da maneə olmayıb deyə, elə kim sənədlərini veribsə, demək olar, onları da qeydə alıblar.

Təbii ki, müxalifətin əsas alternativi iqtidardır. Azərbaycan Demokrat Partiyasının da əsas alternativi iqtidardır. Mən isə öz dairəmdə Arif Hacılı və Yeni Azərbaycan Partiyasının namizədini vahid alternativ kimi görürəm. Əgər Müsavat başqa dairələrdə YAP-a alternativdirsə, bəzi dairələrdə YAP-la birləşib, məhz müxalifətə alternativlik edir”.

Ana Vətən Partiyasının sədri Fəzail Ağamalı isə təbliğat-təşviqat kampaniyasında təkcə Yeni Azərbaycan Partiyası və Müsavatın üzvlərinin deyil, digər partiyaların, o cümlədən müstəqil namizədlər də iştirak etdiklərini diqqətə çatdırıb: “Seçki kampaniyası çoxşaxəlidir. Müsavat Partiyasının çoxsaylı namizədləri qeydə alınsa da, ümumi seçki prosesində iki partiyanın bir-biri ilə mübarizə apardığını söyləmək əsassızdır. Namizədlərin çox olması hələ seçki prosesində həlledici mövqeyə çıxmaq demək deyil. Bunun nəticəsi fevralın 9-da veriləcək səslərin yekunu ilə müəyyən olunacaq”.

Yeni Azərbaycan Partiyasının ölkədə ən güclü siyasi partiya olduğunu diqqətə çatdıran Fəzail Ağamalı kütləvilik və yaxşı təşkilatlanmaya görə də hakim partiyanın ən öndə olduğunu düşünür: “Bu partiyanın içərisində təkcə elmi, siyasi savadı deyil, eyni zamanda təcrübəsi olan siyasətçilər də birləşib. Bu gün Müsavat partiyasınınYeni Azərbaycan Partiyası ilə mübarizə aparmaq imkanı və gücü yoxdur”.(modern.az)

pia.az

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627

Etiket: Müsavat YAP


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

XİN-nin “qara qutusu” bülbül kimi ötübmü? - “Qara qutu”nun səs yazısı...

XİN ailə şirkətinə necə çevrilib? - Canəhmədovların sirrli gücü...

Sabiq nazir DTX-nin XİN-də keçirdiyi əməliyyatla bağlı açıqlama verib

Oqtay Əsədov Eldar Mahmudova hansı məlumatları ötürüb?..

“AzTV-nin əməkdaşı ölən gecə 16 xəstə vəfat etdi” - “Semaşko”nun həkimləri

Sabiq deputat: “Özləri villalarında kef məclisi qurursa, xalq onlara niyə inansın?!”

Ramiz Mehdiyev Prezident olmaq istəyib? - Deputatdan şok iddia

DTX-nın XİN-də keçirdiyi əməliyyatın pərdəarxası... 

Prezident tanınmış yazıçıya ev bağışladı - Foto

"Kimlərsə vətənə xəyanətdə, cəsusluqda ittiham edilirlərsə…" - Aslan İsmayılov

On altı şəhər və rayonda ictimai nəqliyyatın hərəkəti dayandırıldı - Bu tarixədək...

“SSRİ bir ilə bərpa ediləcək” - Azərbaycanlı politoloq

loading...

Ən çox oxunanalar