Fərəc Quliyevin sakinlərlə görüşü fiaskoya uğrayıb
Milli Məclisinin 10 illik deputatı; Milli Dirçəliş Hərəkatı Partiyasının lideri Fərəc Quliyev 9 fevral seçkilərində yenidən namizəddir. Əvvəlki illərdə olduğu kimi Fərəc Quliyev namizədliyini 31 saylı ikinci Suraxanı seçki dairəsindən verib. Dairə isə Yeni Günəşli və Qaraçuxur kimi iki böyük qəsəbəni əhatə edir. Ərazidə kifayət qədər əhalinin kompakt yaşamasına baxmayaraq Fərəc Quliyevin dünən keçirtdiyi sakinlərlə görüş fiaskoya uğrayıb. Bununla bağlı, həmin dairədən namizəd və videoblogger Mehman Hüseynov görüşdən etdiyi çəkiliş zamanı bildirib. O görüşə gələn sakinlərə suallar ünvanlasa da, sakinlərin bir çoxu suallardan yayınıb, bir qismi isə hara gəldiyindən xəbərsiz olduğunu bildirib, hətta Rəcəb Quliyevin görüşünə gəldiyini deyən də olub...
Videobloggerin sözlərinə görə, görüşə çağırılan qadınların əksəriyyəti müəllimədir və bir çoxunun isə qeydiyyatı başqa rayonlaradır. Mehman Hüseynov görüşdən çəkdiyi görüntüləri öz feysbuk səhifəsində yayımlayıb.
pia.az