Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Keçmiş MTN generalından məhkəməyə qeyri-adi müraciət

Ali Məhkəmədə ləğv edilmiş Milli Təhlükəsizlik Nazirliyinin (MTN) Antiterror Mərkəzinin sabiq rəisi, general-mayor Elçin Quliyev və Mərkəzin əməkdaşı, polkovnik Azər Mehdiyevin kassasiya şikayəti üzrə məhkəmə prosesi keçirilib...

Proses hakim İnqilab Nəsirovun sədrliyi ilə baş tutub.

Hakim bildirib ki, məhkumlar prosesdə şəxsən iştiraklarının təmin olunması barədə məhkəməyə müraciət ediblər: "Biz həmin məhkumların etap olunması üçün məktub vermişik. Ancaq məhkumlar yenidən müraciət ediblər ki, məhkəmə prosesində Bakı İstintaq Təcridxanasına köçürülmədən birbaşa cəzaçəkmə müəssisəsindən gətirilmək istəyirlər. Bu isə qanunvericilikdə nəzərdə tutulmayıb və bu məsələ məhkəmənin səlahiyyətinə aid deyil".

Dövlət ittihamını müdafiə edən prokuror Vüsal Mehrəliyev də bildirib ki, qanunvericilikdə belə hal nəzərdə tutulmadığından müraciət təmin edilməməlidir".

Hakim bildirib ki, məhkum Azər Mehdiyevin müdafiəçisi kassasiya şikayətinə əlavə təqdim edib və sənəd tərəflərə göndərilməlidir.

Prosesdə Elçin Quliyevin yeni müdafiəçi ilə müqavilə bağladığı bildirilib və vəkil iş materialları ilə tanış olmaq üçün vaxt istəyib.

Proses aprelin 7-də davam edəcək.

Qeyd edək ki, hər iki şəxs 2015-ci ildə həbs edilib. Bakı Hərbi Məhkəməsinin hökmü ilə E.Quliyev 10 il 6 ay, Azər Mehdiyev isə 8 il müddətinə azadlıqdan məhrum olunub.

Məhkəmə zərərçəkmişlərin mülki iddiasını təmin etməyib. E.Quliyevə qarşı Dövlət Təhlükəsizlik Xidmətinin 7 milyon manatlıq mülki iddiası təmin olunub. Təqsirləndirilən şəxslərin üzərinə həbs qoyulmuş mülklərinin müsadirə olunması barədə də qərar qəbul edilib. Kassasiya şikayəti həmin qərardan verilib.

Xatırladaq ki, MTN ətrafında baş verən hadisələrdən sonra Nazirliyin Antiterror Mərkəzinin rəisi, general-mayor E.Quliyev tutduğu vəzifədən azad olunaraq MTN-in Heydər Əliyev adına Akademiyasında kafedra rəisi təyin edilib. (Report.az)

pia.az




Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Uçot dərəcəsi endirilir, amma kredit faizləri azalmır. Nədən...

Məşhur avtomobil markasının Azərbaycanda istehsalına başlanıldı    

Bakıda “Prius”ların kütləvi satışına başlanıldı - Foto    

Fələstinin yeni xarici işlər naziri ermənidir...

Alen Simonyan və Sahibə Qafarova arasında keçiriləcək növbəti görüşün tarixi məlum olub

Şəkidə 26 yaşlı gənc sirkə turşusundan zəhərlənib

Aygün Kazımova ilə Namiq yenidən məşhur dueti oxudu - Video

Ən çox oxunanalar