Milli Məclisin 30 martda keçiriləcək plenar iclasının gündəliyi hələlik məlum deyil. Bu barədə Musavat.com-a parlamentin mətbuat xidmətinin rəhbəri Akif Təvəkküloğlu bildirdi.
Nazirlər Kabinetinin 2019-cu il üzrə hesabatının Milli Məclisin 3 aprel iclasında müzakirə olunacağı və hesabatı Baş nazir Əli Əsədovun təqdim edəcəyi ilə bağlı mediada yayılan məlumatlara münasibət bildirən xidmət rəhbəri hələ ki, onlarda bu barədə rəsmi məlumatın olmadığını dedi.
Milli Məclisin növbəti plenar iclasında yaşı 65-i ötmüş deputaların iştirak edib-etməyəcəyinə gəldikdə, A.Təvəkküloğlu bunu söylədi: “65 yaşdan yuxarı olan millət vəkillərindən xahiş olunacaq ki, karantin rejiminin qaydalarına əməl olunsun. Bu gün hamımız dövlətimizin bizim qarşımızda qoyduğu vəzifələri icra etməyə çalışmalıyıq”.
Xidmət rəhbəri deputatların koronavirus testindən keçiriləcəyini də bildirdi Dedi ki, sabah (27 martda-E.P.) deputatlar və Milli Məclis Aparatının əməkdaşları testdən keçiriləcək.
Milli Məclisin növbət iclasında jurnalistlər də ənənəvi qaydada iştirak edəcəklər.(Musavat.com)
pia.az
Digərxəbərlər
Populyar xəbərlər
