Tərtər rayonunda Nazirlər Kabineti yanında Operativ Qərargahın qərarına uyğun olaraq xüsusi karantin rejiminin tətbiq edilməsi ilə bağlı Tərtər Rayon İcra Hakimiyyətində mobil qruplar yaradılmışdır...
PİA.az xəbər verir ki, 31 mart 2020-ci il tarixdə Tərtər Rayon İcra Hakimiyyətinin başçısı Müstəqim Məmmədov vətəndaşlar arasında təbliğat işləri aparacaq mobil qrupun üzvləri ilə görüşdü, onlara əhalinin maarifləndirilməsi üçün öz tövsiyə və tapşırıqlarını verdi.
Sonra rayon rəhbəri şəhər ərazisində sakinlərin kütləvi olduğu yerlərdə, bazarda, ticarət obyektlərində, apteklərdə oldu, onlara lazimi tövsiyyə və tapşırıqlarını verdi. Olduğu ərazilərdə sakinlərlə fərdi qaydada söhbətlər apardı. Onlara izah olundu ki, bu günlər Nazirlər Kabineti yanında Operativ Qərargahın qərarına uyğun olaraq xüsusi karantin rejiminin tələblərinə tabe olmaq lazımdır. Əgər belə olsa virus yayılmaz, xəstələnmərik və başqa vətəndaşları infeksiyaya yoluxdurmarıq. Vəziyyət olduqca ciddidir. Bunu hər bir vətəndaş dərk etməlidir. Nə qədər evdə qalsaq, bir o qədər sağlam qalmış olarıq.
Qeyd edək ki, maarifləndirici və dezinfeksiya tədbirlər rayon icra hakimiyyəti tərəfindən gündəlik olaraq rayonun bütün yaşayış məntəqələrində aparılır. Sakinlərə şəxsi gigiyena qaydalarına əməl etmək, özünütəcrid tədbirlərinə uyğun davranmaq, yalnız ciddi ehtiyac yarandıqda evdən çıxmaq, digər şəxslərlə minimum kontaktda olmaq tövsiyə edilir.
pia.az
Digərxəbərlər
Populyar xəbərlər
