Bakıda nəqliyyat vasitəsini qaçırmaqda şübhəli bilinən Sumqayıt şəhər sakini saxlanılıb...
Daxili İşlər Nazirliyi (DİN) Mətbuat Xidmətindən PİA.az-a verilən məlumata görə. aprelin 2-i saat 23 radələrində Nəsimi rayonu ərazisindən Bakı şəhər sakini Ş.Əliyevin idarə etdiyi “Chrysler” markalı avtomobilin qaçırılması barədə 21-ci Polis Bölməsinə məlumat daxil olub.
DİN-in Təhlükəsiz Şəhər Xidməti, Sumqayıt Şəhər Polis İdarəsinin 1-ci Polis Bölməsi və Nəsimi Rayon Polis İdarəsinin 21-ci Polis Bölməsi əməkdaşları birgə əməliyyat keçiriblər.
Əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Sumqayıt şəhər sakini, əvvəllər məhkum olunmuş A.İbrahimov avtomobillə birgə saxlanılıb.
Araşdırma aparılır.
Qeyd: Avtomobil Mərkəzi Seçki Komissiyasına məxsus olub.
***
PİA.az-ın məlumatına görə, MSK-ya məxsus “Chrysler” markalı, 10-AS-301 dövlət nömrə nişanlı maşın qaçırılıb.
Faktla bağlı araşdırılma aparılır. (Oxu.az)
pia.az